Abatuye mu Majyepfo bavuze ko bahangayikishijwe n’imbuto bahabwa ntizitange umusaruro

Hari abaturage bo mu Ntara y’Amajyepfo, bakomeje gutaka igihombo baterwa ahanini n’imbuto bahabwa ntizere n’imiti bagura yica udukoko batera ntibigire icyo bitanga.

Aba baturage barasaba inzego za leta zifite mu nshingano ubuhinzi n’ubworozi, gukurikirana ibi bibazo mu maguru mashya kuko bikomeje kubateza igihombo bigatuma iterambere ifuza batarigeraho.

Charles Ndamage umuhinzi mu gishanga cya Duane giherereye mu Murenge wa Kibilizi mu karere ka Gisagara.

Aba bahinzi berekanye ko urusenda bahawe rwabateye igihombo kidasanzwe, nyuma yo kuruhinda ariko ntirurenge inonko aho ubona ko nta musaruro abaturage biteze.

Ikindi kibazo gihangayikishije abaturage biganjemo ahanini abahinga imbuto n’imboga mu turere tw’Intara y’Amajyepfo bavuga, ni imiti yica udukoko twibasira imboga n’imbuto bagura hirya no hino mu bayigurisha bazwi nk’abagrodealers mu ndimi z’amahanga ariko ntitange umusaruro

Aba tubasanze basarura intoryi ku buso bwa hegitari 22 mu gishanga cya Rugondo giherereye mu Murenge wa Ruhango mu karere ka Ruhango, barakemanga ndetse bakanagaruka ku gihombo bakomeje guterwa n’iyi miti.

Aba baturage barasaba inzego za leta zifite mu nshingano ubuhinzi n’ubworozi, gukurikirana ibi bibazo mu maguru mashya kuko bikomeje kubateza igihombo bigatuma iterambere ifuza batarigeraho.

Hakizamungu Leon  umukozi mu Kigo cy’Igihugu gishnzwe guteza imbere ubuhinzi n’ubworozi mu Rwanda, RAB araburira abacuruza inyongeramusaruro ko uzafatwa ahangika abaturage imiti yarengeje igihe cy’ikoreshwa, azahanwa n’amategeko kuko bishobora kugira ingaruka ku baturage.

Bimwe mu bihingwa by’imbuto bikomeje kwibasirwa n’ibyonnyi harimo Imyembe, amacunga mandalene n’indimu ku buryo hatagize igikorwa mu maguru mashya izi mbuto zizajya zikosha mu gihe kiri imbere.

Hiyongeraho ibigori hirya no hino bikomeje kwibasirwa na Nkongwa dore ko yatangiye no kototera igihingw cy’amasaka.

Callixte Kaberuka