Abakoresha umuhanda Nyagatare–Kanyinya–Kagitumba barishimira ko imirimo yo gushyiramo kaburimbo yasubukuwe

AGEZWEHO

  • Abasirikare ni abenegihugu nk’abandi ntibakwiye guhezwa mu bigiteza imbere- Gen Kazura – Soma inkuru...
  • U Bubiligi bwahaye u Rwanda inkunga ya Miliyari 18 Frw yo guteza imbere abagore n'urubyiruko – Soma inkuru...

Abakoresha umuhanda Nyagatare–Kanyinya–Kagitumba barishimira ko imirimo yo gushyiramo kaburimbo yasubukuwe

Yanditswe Jan, 21 2022 20:01 PM | 24,892 Views



Abaturage basanzwe bakoresha umuhanda Nyagatare–Kanyinya–Kagitumba wo mu karere ka Nyagatare, barishimira ko imirimo yo kuwukora hashyirwamo kaburimbo yasubukuwe bakaba bawitezweho koroshya ubuhahirane n’imigenderanire yabo n’abatuye mu bindi bice byaka karere.

Uyu muhanda Nyagatare-Kanyinya–Kagitumba ureshya n’ibirometero 38 ukora ku mirenge 4 y’Akarere ka Nyagatare ariyo Nyagatare, Rwempasha, Musheri na Matimba. 

N'ubusanzwe mu mateka y'aka gace, uyu muhanda wari uhari ariko ari uwigitaka kandi warangiritse cyane ku buryo nta kinyabiziga icyo aricyo cyose cyari kigishobora kuwucamo, bikaba byari bibabangamiye abaturage. 

Mu gukemura iki kibazo, muri Nzeri 2020 hatangiye imirimo yo kuwubaka bundi bushya ukanashyirwamo kaburimbo, gusa nyuma yaho gato imirimo yo kuwukora yaje gusubikwa igeze kuri 40%.

Kuri ubu ariko  imirimo yo gukora uyu muhanda yarasubukuwe ndetse igice kimwe cyawo cyagejejwemo iyo kaburimbo n'ahandi imirimo irarimbanije, akaba ari akanyamuneza ku baturage bawukoresha umunsi kuwundi.

Umuyobozi w’akarere ka Nyagatare, Gasana Stephen yemeza ko kuba uyu muhanda uhuza umujyi wa Nyagatare n’umupaka wa Kagitumba, witezweho byinshi kuko ngo uzatuma  ibikorwa by’ubucuruzi byiyongera, ndetse n’umusaruro w’ubuhinzi n’ubworozi ukazabona uko ugezwa ku isoko byoroshye.

Biteganyijwe ko imirimo yo kubaka uyu muhanda izarangira mu mpera z’uyu mwaka, ukazatwara miliyari zisaga 9 z’amafaranga y’u Rwanda.


Munyaneza Geofrey



Ba uwambere gutanga igitekerezo

Tanga igitekerezo:



RSS FEED

Abasirikare ni abenegihugu nk’abandi ntibakwiye guhezwa mu bigiteza imbere

U Bubiligi bwahaye u Rwanda inkunga ya Miliyari 18 Frw yo guteza imbere abagore

Abanyeshuri b'abanyamahanga biga muri UNILAK baravuga ko Jenoside yakorewe

Dr Biruta yagiranye ibiganiro n’abayobozi mu Bwongereza barimo uw’Ub

Abatuye muri Nyabihu baravuga ko batishimiye umuvuduko bariho mu kugabanya igwin

U Rwanda rurateganya gukoresha miliyari 4,650 muri 2022/2023