Yanditswe Oct, 18 2021 18:30 PM | 38,198 Views
Abanyamahanga bari mu Rwanda bavuga ko bishimira kuba
bari mu gihugu cyashyizeho ingamba zihamye zo guhangana n'ikwirakwira rya COVID19, ibi bakaba babivuga mu gihe ikigero cy'ubwandu bushya kigeze kuri 0.7% hagendewe ku
mibare y’iminsi 7 ishize.
Umwongereza, Chris Smith umaze umwaka mu Rwanda ni umwe mu bishimira uburyo ingamba zo guhangana n’icyorezo cya COVID-19 zirimo gutanga umusaruro.
Yagize ati “Numva ntekanye kuba ndi mu Rwanda, imibare irimo kugabanuka buri cyumweru ndatekereza ko u Rwanda rurimo gukurikirana neza iki kibazo, kandi nk’uko igikorwa cyo gukingira gikomeje ndetse n'ubuyobozi burangajwe imbere na Perezida Kagame bukomeje gushakisha inkingo ndatekereza ko bizakomeza kumera neza.”
Kerry Crockett ukomoka muri Leta Zunze Ubumwe za Amerika we ati “Sinigeze mba mu gihugu aho imibare igabanuka muri ubu buryo, ikigaragara ni uko dufite umudendezo wo kujya hanze tukishimisha mu buzima bwiza dusanga hano, ndishimye cyane.”
Umuyobozi Mukuru w'ibitaro bya Nyamata, Dr. Rutagengwa William avuga ko mu karere ka Bugesera bigeze kugira abarwayi 20 mu bitaro ndetse n'abandi basaga 1000 bari banduye iki cyorezo, ariko ubu abantu 9 gusa ni bo barimo gukurikiranirwa mu ngo kandi nta bimenyetso bya Covid19 bafite.
Kuri iki Cyumweru abantu 17 ni bo banduye iki cyorezo, muri bo umwe gusa ni we wo mu Mujyi wa Kigali.
Mu bitaro bya Nyarugenge bishinzwe kwakira abarwayi ba COVID-19, kuri uyu wa mbere byari bifite abarwayi 12.
Nubwo imibare y'abandura n’abahitanwa n’iki cyorezo yagabanutse mu buryo bugaragara, Minisitiri w'Ubutegetsi bw'igihugu Gatabazi Jean Marie Vianney avuga ko ibi bitaba intandaro yo kwirara no kudohoka mu kucyirwanya.
U Rwanda ni kimwe mu bihugu 15 ku isi byashoboye kugera ku ntego Ishami ry'Umuryango w'Abibumbye ryita ku buzima, OMS ryari ryatanze ryo kuba buri gihugu cyashoboye gukingira byibuze 10% by'abaturage bitarenze Nzeri uyu mwaka.
Minisiteri y’Ubuzima igaragaza ko gukingira Covid19 mu buryo bwagutse bikomeje mu ntara zose, ndetse ko kuva tariki 09 uku kwezi abantu 894,792 bamaze kugezwaho urukingo, mu gihe mu Rwanda hose ababonye doze imwe kuva muri Werurwe 2021 barenga miliyoni 3.
<iframe width="560" height="315" src="https://www.youtube.com/embed/bDedV-d4_6I" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>
Kwizera Bosco
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru