Abahinzi b’umuceri muri Nyagatare bavuze ko igiciro cy’imbuto cyikubye inshuro eshatu

AGEZWEHO

  • Kuri uyu wa mbere hategerejwe isomwa ry’umwanzuro ubushinjacyaha buregamo Rusesabagina – Soma inkuru...
  • RAB yatangaje ko indwara ya muryamo yagaragaye mu ngurube zo mu Rwanda – Soma inkuru...

Abahinzi b’umuceri muri Nyagatare bavuze ko igiciro cy’imbuto cyikubye inshuro eshatu

Yanditswe Jul, 20 2021 13:41 PM | 49,162 Views



Abahinzi b’umuceri mu kibaya cy’Umuvumba mu Karere ka Nyagatare, baravuga ko bahangayikishijwe n’uko igiciro cy’imbuto  cyikubye hafi inshuro eshatu, aho bemeza ko ibi bishobora kuzasubiza inyuma ubuhinzi bwabo.

Ishami rishinzwe ubutubuzi bw’imbuto mu kigo cy’igihugu gishinzwe guteza imbere Ubuhinzi n’Ubworozi,  RAB rivuga ko hagiye kuba ibiganiro n’abahinzi kugira ngo harebwe niba iki giciro gishobora kugabanywa.

Muri iki kibaya cy’Umuvumba, bamwe mu bahinzi bari mu bikorwa bya nyuma byo gusarura umusaruro w’igihembwe cy’ihinga 2021 B, mu gihe abandi barimo gutegura ubutaka bitegura igihembwe cy’igihinga cya 2022 A.

Mu gihe nk’iki nibwo abahinzi baba bakeneye imbuto y’umuceri cyane kugira ngo ishyirwe mu buhumbikiro bitegura gutera, arikoabo muri iki kibaya bavuga ko bahangayikishijwe n’uko igiciro cy’iyo mbuto cyatumbagiye kikikuba hafi inshuro eshatu, aho cyavuye ku mafaranga 400 ku kilo kikaba kigeze ku mafaranga 1020. Ni ikibazo aba bahinzi basaba ko cyakongera gusuzumwa hakarebwa niba iki giciro kidashobora kugabanywa.

Imbuto ikoreshwa muri iki kibaya cy’Umuvumba ni iyitwa Certified seed ikaba ari nayo abahinzi bavuga ko igiciro cyayo cyazamutse.

Ubusanzwe ariko iyi mbuto inatuburwa n’amwe mu makoperative akorera muri iki kibaya arimo na Koperative CODERVAM, ari nayo iyikwirakwiza mu bahinzi. Umuyobozi wayo Ntamukunzi Celestin agaragaza ko mu byatumye igiciro cy’iyi mbuto cyiyongera, harimo n’ibyo basabwe n’inzego zishinzwe ubuhinzi kugira ngo ubutubuzi bw’imbuto y’umuceri bukorwe kinyamwunga.

Ishami rishinzwe ubutubuzi bw’imbuto mu kigo cy’igihugu gishinzwe guteza imbere ubuhinzi n’ubworozi mu Rwanda RAB, rivuga ko gushyiraho iki giciro byagizwemo uruhare n’abahinzi ubwabo binyuze mu babahagarariye.

Gusa umuyobozi w’iri shami Rwebigo Daniel, yagize ati “Hagiye kuba ibiganiro n’aba bahinzi kugira ngo harebwe niba koko iki giciro gishobora kugabanywa.”

Ikibaya cy’Umuvumba gifite ubuso bungana na hegitari 1895, kikaba gikoreshwa na Koperative eshanu ari zo CODERVAM, CORIVANYA, COPRORIKA, COPRIMU ndetse na Muvumba P8.

Muri iki gihembwe cy’ihinga 2021 B kigana ku musozo, hishimirwa ko umusaruro kuri hegitari wiyongereye, aho imibare y’ihuriro ry’abahinzi b’umuceri muri aka Karere ka Nyagatare, igaragaza ko impuzandengo kuri ubu ari toni 5.2 kuri hegitari imwe zivuye kuri toni enye kuri hegitari.

Valens Niyonkuru




Ba uwambere gutanga igitekerezo

Tanga igitekerezo:



RSS FEED

Bamwe mu batuye Nyagatare bataka kutagira amazi kandi barishyuye za mubazi

Muri Nyagatare haravugwa ikibazo cy’umuceri weze kugeza ubu ukaba utarabon

Kwibohora27: Uburyo aborozi b’Inka muri Nyagatare bavuye mu za gakondo bak

Muri Nyagatare haravugwa ikibazo cy’umubare muto cyane w’abahinzi ba

Abatuye Nyagatare bishimiye umuhanda wa miliyari zirenga enye ugiye kuzura

Abahoze ari abarambetsi muri Nyagatare bayobotse inzira zibateza mbere