Yanditswe Sep, 27 2019 15:33 PM | 23,209 Views
Abagore nibo bagiriwe icyizere cyo kuyobora uturere 4 twari tumaze iminsi tudafite abayobozi nyuma y’uko abari basanzwe batuyobora bakuwe kuri iyo myamya bitewe n’ikiswe kutagira ubushobozi bwo kujyana n’umuvuduko w’iterambere utwo turere tugezeho.Ibi bitumye umubare w’abagore bayobora uturere ugera kuri 30% bavuye kuri 20%.
Mu mpera
z’ukwezi kwa munani no mu ntangiriro z’uku kwa cyenda mu turere dutandukanye
tw’igihugu abayobozi b’uturere n’ababungirije bareguye abandi bareguzwa.
Nyuma y’ukwezi kurenga uturere tuyobowe n’abayobozi b’agateganyo, habaye amatora maze kuri uyu wa gatanu abagore bane batorerwa kuyobora uturere 4.
Abo ni Nuwumuremyi Jeannine watorewe kuyobora akarere ka Musanze, muri 255 batoye yagize amajwi 198 yari ahaganye kuri uyu mwanya na Niyibizi Emmanuel wagize amajwi 72.
Kayitare Jacqueline we yatorewe kuyobora akarere ka Muhanga asimbuye Uwamariya Beatrice, uherutse kwegura, Kayitare Jacqueline yabonye amajwi 166 muri 277 batoye bimuha gutsinda Barayavuga Jean Paul wagize amajwi 59.
I Karongi hatowe Mukarutesi Vestine n’amajwi 207, uwo bari bahanganye yagize 38, asimbuye Ndayisaba François, wegujwe kubera kutubahiriza inshingano ze.
Akarere ka Nyamasheke na ko kabonye umuyobozi mushya. Ni Mukamasabo Appolonie watowe ku majwi 267 ari nawe wamamajwe nk’umukandida wenyine, amajwi yabaye imfabusa ni 1 naho oya ni 5. Asimbuye Kamali Aimé Fabien watakarijwe icyizere n’Inama Njyanama y’akarere ka Nyamasheke 05 z’uku kwezi.
Perezida wa Komisiyo y’igihugu y’amatora Prof Kalisa Mbanda avuga ko igikorwa cy’amatora ari icyo kwishimira gusa ngo ni n’icyimenyetso cyo kudatezuka mu ruganda rw’iterambere.
Mu bayobozi b’uturere bungirije batowe barimo Rucyahanampuhwe
Andrew watorewe kuba umuyobozi wungirije ushinzwe ubukungu mu Karere ka
Musanze, Kamanzi Axelle atorerwa kuba Visi Meya ushinzwe imibereho myiza
y’abaturage mu Karere ka Musanze.
Mu Karere ka Ngororero Uwihoreye Patrick yatorewe kuba Umuyobozi w'Akarere wungirije ushinzwe iterambere ry'ubukungu na ho Mukunduhirwe Benjamine atorerwa kuba Umuyobozi w'Akarere wungirije ushinzwe imibereho myiza.
Mu Karere ka Rubavu Ishimwe Pacifique yatorewe kuba Umuyobozi w'Akarere wungirije ushinzwe imibereho myiza na Nzabonimpa Deogratias atorerwa kuba Umuyobozi w'akarere wungirije ushinzwe iterambere ry'ubukungu
Mu Karere ka Rutsiro ku mwanya w’ Umuyobozi w’Akarere wungirije ushizwe imibereho myiza hatowe Musabyemariya Marie Chantal.
Aya matora yanabaye mu Karere ka Gisagara, aho Habineza Jean Paul ari we watorewe kuba Umuyobozi w’Akarere wungirije ushizwe iterambere ry’ubukungu.
Mu Karere ka Karongi hatowe kandi Niragire Theophile, atorerwa
kuba Umuyobozi w’Akarere wungirije ushizwe iterambere ry’ubukungu na ho Mukase
Valentine atorerwa kuba Umuyobozi w’Akarere wungirije ushinzwe imibereho myiza.
Abinyujije ku rukuta rwe rwa Twitter,Minisitiri w’ubutegetsi bw’
igihugu Prof Shyaka Anastase yashimiye abatowe avuga ko kuri ubu abagore
bayobora uturere begeza ku 10 bovuze ko bageze kuri 30% by’abayobozi b’uturere
muri rusange.
Paul RUTIKANGA
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru