Ababyeyi barinubira izamurwa ry'amafaranga y'ishuri batabigishijwemo inama

AGEZWEHO

  • MINALOC muri gahunda yo kubaka amarerero adaheza – Soma inkuru...
  • Perezida Kagame yitabiriye inama ya ICGLR yiga ku mutekano wa Centrafrika – Soma inkuru...

Ababyeyi barinubira izamurwa ry'amafaranga y'ishuri batabigishijwemo inama

Yanditswe Jan, 27 2021 09:55 AM
6,884 Views



Hirya no niho ababyeyi barinubira ko ibigo byongereye amafaranga y’ishuri batabigizemo uruhare. Na ho abayobozi b’ibyo bigo bakavuga ko batari kubona uko bakoranya inama mu gihe icyorezo cya koronavirusi cyongereye ubukana.

Ni ikibazo kiri mu bigo by'amashuri byaba ibya leta ndetse n'ibyingenga.Ababyeyi babifitemo abanyeshuri bahangayikishijwe n'uko batunguwe no gusabwa andi  amafaranga y'ishuri yiyongera kuyo bari barishyuye bababwira ko iki gihembwe cyabaye kirekire kandi bigakorwa nta ruhare babigizemo.

Abayobozi b'ibigo by'amashuri bavuga ko mu ri iki gihe amakoraniro y'abantu benshi atemerewe guhura byatumye badatumizaho inama rusange z'ababyeyi.Cyakora bakoranye na komite zihagarariye ababyeyi ndetse aho bishoboka bakoresha imbuga nkoranyambaga bashyiramo na bamwe mu babyeyi hemezwa umusanzu w'inyongera ababyeyi bagomba gutanga kugira ngo imibereho y'abanyeshuri ikomeze kumera neza kuko iki gihembwe cyabaye kirekire.

Umunyamabanga wa Leta muri Minisiteri y'Uburezi ushinzwe amashuri abanza n'ayisumbuye Twagirayezu Gaspard yavuze ko minisiteri iri gusuzuma iki kibazo.

Kugeza ubu amasomo mu  bigo by'amashuri  yo mu ntara arakomeje.Mu gihe mu bigo by'amashuri yo mu Mujyi wa Kigali yahagaritswe kubera icyorezo cya COVID19 ndetse abanyeshuri biga bataha bari mu ngo zabo,mu gihe abo mu bigo bicumbikira abanyeshuri bagumye ku bigo ariko nta masomo atangwa.

Jean Paul TURATSINZE



Ba uwambere gutanga igitekerezo

Tanga igitekerezo:



RSS FEED

MINEDUC na MINALOC byasabwe gukemura vuba uruhuri rw'ibibazo biri mu micun

Rubavu: Abarimukazi bajya mu kiruhuko cyo kubyara bakabura ababasimbura

Ababyeyi n’abarezi basabwe gutoza abakiri bato umuco wo gusoma no kwandika