Yanditswe Nov, 25 2021 18:09 PM | 89,702 Views
Abahanga mu buvuzi bw'indwara zitandura batanga inama yo kugira umuco wo kwisuzumisha kenshi kuko ngo 80% by'impfu ziterwa n'izo ndwara zishobora kwirindwa. Ni indwara zizahaza abazifite kdi ubuvuzi bwazo bukaba buhenze.
Inzego z'ubuzima zivuga indwara zitandura zihangayikishije cyane kuko ziza ku isonga mu mpamvu zitera impfu mu Rwanda ku kigero kirenga 47%. Ziza kandi ku mwanya wa mbere mu mpamvu zituma abantu bajya kwa muganga ndetse bagatindayo.
Ikigo cy'igihugu gishinzwe ubuzima RBC kivuga ko mu bantu 1341 bamaze kwicwa na Covid 19 mu Rwanda abagera kuri 90% bari barwaye indwara zitandura zirimo umuvuduko w'amaraso na Diyabete.
Prof. Joseph Mucumbitsi ukuriye ishyirahamwe ry'imiryango 25 idaharanira inyungu irwanya indwara zitandura (NCD's Alliance) avuga ko abantu bakwiye kugira umuco wo kwisuzumisha.
Dr.Ntaganda Evariste, umukozi mu ishami ry'indwara zitandura muri RBC avuga ko kwivuza hakiri kare bigabanya umuvuduko izo zagenderaho zangiza umubiri.
Ubushakashatsi bwakozwe na Ministeri y'Ubuzima bugaragaza ko mu Rwanda 15,9% by'abantu bakuru bafite ikibazo cy'umuvuduko w'amaraso, 3% bafite diyabete, 2% barwaye kanseri z'amoko anyuranye, 12,8% banywa itabi na ho 41% banywa inzoga nyinshi zaba intandaro y'indwara zitandura.
Muri gahunda y'imyaka 5 irebana n'ubuvuzi bw'indwara zitandura, Ministeri y'Ubuzima ivuga ko hazakoreshwa arenga miliyari 359 z'amafaranga y'u Rwanda. Mu bikorwa biteganijwe harimo ubuvuzi bwo kubaga umutima no gusimburira impyiko ku bo zamaze kwangirika.
Ishami ry'Umuryango w'Abibumbye ryita ku Buzima ryerekana ko buri mwaka abantu miliyoni 41 bapfa bazize indwara zitandura, ni ukuvuga 71% by'impfu ziboneka buri mwaka.
Carine UMUTONI
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru