Umunyarwanda ukekwaho ibyaha bya Jennoside yafatiwe i burayi muri Suede

Police ya Suede ejo yataye muri yombi umunyarwanda ukekwaho ibyaha bya Jenoside yakorewe abatutsi.

Uyu watawe muri yombi amazina ye ntiyatangajwe ndetse n'umwirondoro uretse ko police n'ubushinjacyaha muri iki gihugu batangaza ko ari umugabo w'imyaka 48.

Yafatiwe iwe ahitwa Orebro muri km 160 mu burengerazuba bwa Stockholm ari wo murwa mukuru wa Suede.

Uyu watawe muri yombi ni umunyarwanda wageze muri iki gihugu mu 1998, aza guhabwa ubwenegihugu mu mwaka w'2006.

Igihugu cya Suede cyakatiye abandi banyarwanda 2 nyuma yo kubahamya uruhare muri Jenoside ari bo Stanislas Mbanenande wakatiwe mu 2014 na Claver Berinkindi, wakatiwe muri uyu mwaka w'2016.