Ubushakashatsi bwa TIR bwerekana ko polisi iri mu nzego zigaragaramo ruswa cyane

Umuryango urwanya ruswa n’akarengane Transparency International Rwanda uratangaza ko nubwo ingamba zo kurwanya ruswa zikomeje, inzego zitandukanye zisabwa ubufatanywa mu guhashya burundu icyaha cya ruswa. Ni mugihe kuri uyu wa kabiri umuryango Transparency International Rwanda, washyize ahagaragara ubushahakatsi wakoze kuri ruswa ntoya, Rwanda Bribery Index 2017.

Ubushahakatsi bwakozwe kuri ruswa ntoya, bwashyizwe ahagaragara  n'umuryango Transparency International Rwanda, ku nshuro ya 8 bwakorewe ku baturage 2385 bugaragaza ko zimwe mu nzego za leta n'abikorera zagaragayemo ruswa ku buryo buteye impungenge. Zimwe muri izi nzego harimo polisi y’igihugu ishami rishinzwe umutekano wo mu muhanda rigaragaramo ruswa ku kigero cya 11.67%.

Urwego rushinzwe ingufu z’amashanyarazi ruri ku mwanya wa kabiri ku gipimo cy' 9.19%. Urwego rw’abikorera ruri ku mwanya wa 3 n'igipimo cy' 9.6%. Kaminuza zo ziza ku mwanya wa 4 n'igipimo cya 8.22%, zigakurikirwa n’inzego z’ibanze ziza ku mwanya wa 5 ku kigero cya 7.78%.

Inkuru irambuye mu mashusho: