Sena iravuga ko ishishikajwe n'ibijyanye n'imiterere y'umurimo mu Rwanda

Ibi Perezida wa sena Bernard Makuza yabigarutseho mu kiganiro nyungurana-bitekerezo ku murimo mu Rwanda; ikiganiro cyateguwe na sena y'u Rwanda.

Ikiganiro nyungurana bitekerezo cyateguwe na sena ntikigaragaza gusa ko umurimo ufite uruhare rukomeye mu iterambere ry'igihugu ahubwo kinerekana ko hadafashwe ingamba zikwiye, ibura ry'umurimo ryabangamira bikomeye icyerekezo igihugu cyihaye.

Minisiteri y'abakozi ba leta n'umurimo ivuga ko hamaze gukorwa ibitari bike mu gufasha Abanyarwanda kwihangira imirimo no kunoza iyo bafite.

Mu kuzirikana agaciro k'umurimo ubu ikigo cy'igihu cy'ibarurisha mibare ngo kigiye kujya kigaragaza ishusho y'uko isoko ryawo rihagaze buri gihembwe mu gihe minisiteri ifite umurimo mu nshingano yemeza ko ighugu kimaze kurenza imirimo ibihumbi 200 cyiyemeje guhanga buri mwaka ndetse kikaba kigeze kuri 1/2 cy'imirimo igera kuri miliyoni eshatu n'igice cyiyemeje guhanga kugeza muri 2020.