Perezida Kagame mu biganiro n'itsinda mu kuvugurura komisiyo ya Afurika

Ku munsi w'ejo ku wa mbere, Perezida Kagame yongeye kubonana n’itsinda ry’intiti zirimo kumufasha kuvugurura komisiyo y’umuryango wa Afurika yunze ubumwe.

Ibiganiro byo ku munsi w'ejo byibanze ku kurebera hamwe ibimaze gukorwa mu kugaragaza ubushobozi bukenewe kugira ngo umuryango wa Afurika wunze ubumwe ugere ku ntego zawo, no gushyira mu bikorwa umwanzuro wa Kigali urebana no gutera inkunga ibikorwa by’umuryango. Ni umwanzuro uvuga ko buri gihugu kizajya gikata 0.2% by’imisoro y’ibyinjira, akoherezwa muri Afrika yunze ubumwe binyuze muri banki nkuru z’ibihugu.

Intego y’iri vugurura ni ukugira ngo AU ube umuryango ugera ku ntego zawo bigendanye n’ibiteganywa mu cyerekezo 2063 cyo kwihuza kwa Afurika no guharanira agaciro k’umugabane ku ruhando mpuzamahanga.