Mu Rwanda hateganyijwe inama izahuza abacuruzi bo mu Rwanda na Tanzania

Mu kwezi kwa gatandatu I Kigali hazabera inama izahuza abacuruzi b’ibihugu by’u Rwanda na Tanzania, izaba ihuriwemo n’abantu barenga 100 barimo n’abayobozi bakuru b’inzego zitandukanye z’ibihugu byombi.

Mu itangazo rigenewe abanyamakuru ryasohowe n’urugaga rw’abikorera ba Tanzania, rivuga ko iyi nama izaba iteranye ku nshuro ya mbere, iteganyijwe kuba ku tariki ya 6 Gicurasi uyu mwaka. Iyi nama igamije kurushaho kunoza umubano w’ibihugu byombi ushingiye ku mahirwe ahari mu ishoramari n’ubucuruzi.

Iyi nama ije ikurikira uruzinduko Perezida wa Tanzania John Pombe Magufuli aherutse kugirira mu Rwanda, akaba ari narwo rwa mbere yari agiriye hanze y’igihugu cye kuva yatorerwa kuyobora Tanzania.