Yanditswe Jul, 10 2017 08:36 AM | 2,716 Views
Perezida wa republika Paul Kagame kuri iki cyumweru yageze muri Israel aho biteganyijwe ko kuri uyu wa mbere ahura kandi akagirana ibiganiro n'abayobozi bakuri b'iki gihugu barimo ministre w'intebe Benjamin Netanyahu ndetse na president Reuven Rivlin.
Ni uruzinduko ruje rukurikira urwa ministre w'intebe wa Israel Benjamin Netanyahu, yagiriye mu Rwanda, tariki 6 Nyakanga umwaka ushize. Perezida Kagame we yaherukaga muri Israel mu mwaka w'2013.
Mu kwezi kwa gatatu uyu mwaka, perezida wa republika Paul Kagame yabaye umukuru w'igihugu wa mbere muri Afurika watanze ikiganiro mu nteko rusange y'umuryango uharanira inyungu za Israel, AIPAC ukorera muri Amerika. President Kagame yahatangarije ko u Rwanda ari inshuti ya Israel bidashidikanywaho, kandi koIsrael ari igihugu gifite uburenganzira bwo kubaho no gutera imbere.
U Rwanda na Israel bifitanye umubano kuva rwabona ubwigenge, uretse ko waje gusubikwa mu 1973, ugasubukurwa mu 1994. Ambasade y'u Rwanda muri icyo gihugu yo yongeye gufungura imiryango mu 2015. Gusa ambasaderi wa Israel mu Rwanda, we afite icyicaro i Addis Abeba muri Ethiopia.
Ikinyamakuru The Jerusalem Post kivuga ko hari byinshi ibihugu byombi bifatanyamo mu rwego rwa diplomacy, ndetse ngo Israel ibona u Rwanda nk'umufatanyabikorwa wayifasha gukorana n'ibindi bihugu byo muri Afrika.
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru