Yanditswe Jan, 30 2017 08:11 AM | 1,211 Views
Perezida wa republika Paul Kagame uri i Addis Abeba muri Ethiopia, kuri iki cyumweru ni bwo yagejeje ku bakuru b'ibihugu, imyanzuro ijyanye n'ibyavugururwa muri uyu muryango, hagamijwe kuwuha inzego zikemura ibibazo biwugarije.
Perezida wa republika Paul Kagame yitabiriye umwiherero w'abakuru b'ibihugu bigize umuryango wa Afrika yunze ubumwe, wabaye kuri iki cyumweru, anabagezaho raporo ku birebana n'ibyavugururwa muri uyu muryango, bayunguranaho ibitekerezo. Aya mavugururwa agamije gushyiraho uburyo bw'imiyoborere igamije gutuma ubasha gukemura imbogamizi n'ibibazo biwugarije.
Muri uyu mwiherero banarebeye hamwe uko amahoro n'umutekano byifashe kuri uyu mugabane, ndetse bungurana inama no ku cyerekezo 2063 kigaragaza Afurika ibereye abayituye.
Aha i Addis Abeba kandi perezida wa republika mbere yo kwitabira uyu mwiherero, yabanje guhura na president Idris Deby uyobora AU, ndetse ahura n'itsinda ryamufashije gutegura imyanzuro ijyanye n'amavugurura yakorerwa inzego zigize uyu muryango wa Afrika yunze ubumwe.
Biteganyijwe ko muri iyi nama ya 28 y'umuryango wa Afurika yunze ubumwe, abakuru b'ibihugu bazafata umwanzuro ku zindi ngingo zirimo gutora uzayobora komisiyo y'uyu muryango agasimbura Dr Dlamini Zuma manda ye yarangiye muri kamena 2016, ikongerwa kugeza muri uku kwa mbere, umwanya ubu uhatanirwa n'abakandida 5. Perezida Idris Deby Itno uyobora AU ni bwo azasimburwa ndetse abakuru b'ibihugu bazafata n'icyemezo ku busabe bwa Maroc ishaka kugaruka muri uyu muryango nyuma y'imyaka isaga 30 iwivanyemo.
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru