Perezida Paul Kagame mu baperezida 22 bitabiriye irahira rya Ramaphosa

Perezida w’u Rwanda Paul Kagame yitabiriye irahira rya Perezida wa Afurika y’Epfo Cyril Ramaphosa mu kurahirira kuyobora igihugu cya Afurika y’Epfo, kuri uyu wa Gatandatu tariki 25 Gicurasi 2019.

Twitter ya Perezidanse y’u Rwanda yagaragaje ko uyu muhango witabiriwe n’abantu barenga 30,000 bo muri iki gihugu cya Afurika y’Epfo, ndetse n’abakuru b’ibihugu 22 baturutse ku migabane inyuranye hirya no hino ku Isi.

Uyu muhango wabereye kuri Stade ya Loftus Versfeld murwa wa Pretoria.

Ramaphosa w’imyaka 66 yatowe nyuma y’uko ku wa 8 Gicurasi 2019, ishyaka rya ANC riyoboye Afurika y’Epfo ryatsinze amatora y’abadepite ku bwiganze.