Abadepite 5 batangije umushinga w'itegeko rigena uburyo Inteko igenzura Guverinoma

Itsinda ry'abadepite 5 mu Nteko Ishinga amategeko ryatangije umushinga w'itegeko ngenga rigena ibigomba gukurikizwa mu kumenya no kugenzura ibikorwa bya guverinoma. 

Bavuga ko ibibazo bigaragara mu itegeko ngenga rikoreshwa kugeza ubu ari byo byabateye gutangiza uyu mushinga. 

Visi Perezida w'Umutwe w'Abadepite Edda Mukabagwiza ukuriye iri tsinda avuga ko kugeza ubu, Itegeko rigena uburyo Inteko imenya kandi ikagenzura 

ibikorwa n’imikorere bya Guverinoma rimaze imyaka irenga cumi n’itanu rishyizweho, bikaba bikwiye ko 

rivugururwa. Avuga ko ari kugira ngo iryo tegeko rihuzwe n’Itegeko Nshinga rya Repubulika y’u Rwanda ryo mu 2003 ryavuguruwe mu 2015 no gukuraho ibyuho byagiye bigaragara mu ishyirwa mu bikorwa ryaryo.

Kimwe mu byuho ni ukuba nta buryo itegeko riteganya bwatuma Inteko Ishinga Amategeko ishobora gukora igenzura rikumira kuko riteganya ko abadepite bagenzura ibikorwa bya guverinoma byamaze kurangira ntiribahe ububasha bwo kubigenzura mbere yo gutangira no mu gihe bitararangira.