Urubyiruko rwo mu mitwe ya politike yemewe mu Rwanda rwasabwe kuba abanya Politike beza

Urubyiruko ruturuka mu mitwe ya politike itandukanye yemewe mu Rwanda, rurasabwa guharanira kuba abanya Politike beza baharanira iterambere ry'umuturage.

Ibi urubyiruko rwabisabwe ubwo rwasozaga amasomo ya Politike n'imiyoborere rwari rumazemo amezi agera kuri 3.

Uru rubyiruko ruvuga ko amasomo ya politike n'imiyoborere ruvanye mu ishuri ry'ubuyobozi na Politike (youth political learship Academy) azarufasha kuba abanyepolitike beza.

Umuvugizi w'ihuriro nyunguranabitekerezo ry'imitwe ya Politike yemewe mu Rwanda, Uwanyirigira Gloriose avuga ko urubyiruko rukwiye gutozwa politike rukiri mu myaka mito.

Urubyiruko rurimo abasore 42 n'abakobwa 40 rwo mu mitwe ya Politike uko ari 11 yemewe mu Rwanda rutarengeje imyaka 30 nirwo rwahawe amasomo y'icyiciro cya 18.

Kwizera John Patrick