Umujyi wa Kigali waburiye abaturage kwitwararika muri ibi bihe by'imvura nyinshi

Abaturage batuye Umujyi wa Kigali mu duce twashyira ubuzima bwabo mu kaga, barasabwa kwirinda harimo no kwimuka muri ibi bice, umuyobozi w'Umujyi wa Kigali asobanura ko abaturage bagomba kuba maso kandi bakamenyesha ubuyobozi bubegereye.

Bamwe mu baturage batuye mu bice bitandukanye by'Umujyi wa Kigali bagaragaza ko imvura imaze iminsi igwa, iteye impungenge by'umwihariko abatuye mu bice by'amanegeka.

Gusa bagaragaza ko nta bundi buryo bakwirinda ibiza bishobora no gutwara ubuzima bwa bamwe, butari ukwimuka muri ibyo bice byashyira ubuzima bwabo mu kaga.