U Rwanda rwifatanyije n'ibindi bihugu mu kwizihiza Umunsi Mpuzamahanga wa Francophonie

Perezida wa Sena, Dr.Kalinda Francois Xavier avuga ko kugera ku mari ndetse no guha agaciro imico itandukanye y'ibihugu, aribyo bizafasha abaturage ibihugu byibumbiye mu Muryango wa Francophonie guhanga udushya ndetse no kwihangira imirimo.

Ibi yabitangaje Kuri uyu wa 20 Werurwe, ubwo u Rwanda rwifatanyaga n'ibindi bihugu mu kwizihiza umunsi Mpuzamahanga w’Umuryango w’Ibihugu bivuga ururimi rw’Igifaransa ’’La Journée internationale de la Francophonie’’.

Kwizihiza umunsi  mpuzamahanga w'Umuryango wa Francophonie uhuza ibihugu 88 byabereye mu Nteko Ishinga Amategeko byitabirwa n’abagize Inteko Ishinga Amategeko imitwe yombi, abahagarariye ibihugu byabo mu Rwanda, abayobozi mu nzego zinyuranye ndetse n’urubyiruko.

Impamvu yo kwizihiza uyu munsi ngo ni ukwerekana akamaro ururimi rw'Igifaransa rufite mu Rwanda ndetse no gushimangira indangagaciro ziranga abagize Umuryango wa Francophonie.

Carine Umutoni