Yanditswe Apr, 06 2024 11:50 AM | 201,895 Views
Perezida Kagame kuri uyu wa Gatandatu yakiriye muri
Village Urugwiro mugenzi we wa Repubulika ya Czech, Peter Pavel, uri mu Rwanda
mu ruzinduko rw’iminsi itatu.
Biteganyijwe ko abakuru b’ibihugu byombi bagirana ibiganiro byihariye mbere y’uko baganira n’itangazamakuru.
Perezida wa Repubulika ya Czech, Peter Pavel, uri mu Rwanda mu ruzinduko rwe rwa mbere, yageze i Kigali ku mugoroba wo ku wa Gatanu, tariki ya 5 Mata 2024. Akigera ku Kibuga Mpuzamahanga cy’Indege cya Kigali i Kanombe, yakiriwe na Minisitiri w’Ububanyi n’Amahanga, Dr. Vincent Biruta.
U Rwanda na Repubulika ya Czech bisanzwe bifitanye umubano ugamije guteza imbere imibereho y’abaturage b’ibihugu byombi.
Perezida Pavel ufite intego yo gushimangira uyu mubano. Mu ruzinduko rwe, arateganya kugirana ibiganiro n’abaturage b’igihugu cye bari mu Rwanda.
U Rwanda na Czech bisanzwe bifitanye umubano ndetse Minisitiri w’Intebe wungirije akaba na Minisitiri w’Umutekano muri Repubulika ya Czech n’intumwa ze basuye u Rwanda mu 2023.
Muri urwo ruzinduko, imwe mu ngingo zagarutsweho harimo kunoza umubano n’ubufatanye bw’ibihugu byombi mu bijyanye n’igisirikare n’umutekano.
Mu 2023, impande zombi zashyize umukono ku masezerano yo kudasoresha kabiri hagamijwe kuzamura ubucuruzi n’ishoramari hagati y’u Rwanda na Repubulika ya Czech.
Perezida Petr Pavel ayobora Czech kuva muri Werurwe 2023. Mbere yo kuba Umukuru w’Igihugu, yabaye Umuyobozi wa Komite ya Gisirikare y’Umuryango w’Ubwirinzi bwa Gisirikare w’u Burayi na Amerika (NATO) mu 2015-2018 ndetse yanabaye Umugaba Mukuru w’Ingabo za Czech hagati ya 2012-2015.
📷AMAFOTO📷
— Rwanda Broadcasting Agency (RBA) (@rbarwanda) April 6, 2024
Perezida wa Mauritania, Mohamed Ould Ghazouani, yageze i Kigali mu ruzinduko rw’akazi aho yitabiriye umuhango wo kwibuka ku nshuro ya 30 Jenoside yakorewe Abatutsi mu 1994.#Kwibuka30#RBAAmakuru pic.twitter.com/UtovR5pgV1
VIDEO
— Rwanda Broadcasting Agency (RBA) (@rbarwanda) April 6, 2024
President Kagame welcomes his Czech counterpart, President Petr Pavel, who is in Rwanda for an official visit.#RBANews pic.twitter.com/fijunmPo6L
Safa Claudia Uwingeneye
Ben Kayiranga yagaragaje uko Visit Rwanda yugururiye amarembo Abanyarwanda i Paris
Apr 22, 2024
Soma inkuru
Bagiye kubona ibintu byiza- Danny Nanone yijeje indirimbo nshya
Apr 19, 2024
Soma inkuru
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru