Minisitiri w'Intebe Dr Ngirente yakiriye Umuhuzabikorwa w'Amashami y'Imiryango y'Abibumbye mu Rwanda

Minisitiri w'Intebe, Dr Edouard Ngirente yakiriye Umuhuzabikorwa w'Amashami y'Imiryango y'Abibumbye ikorere mu Rwanda, Ozonnia Ojielo bagirana ibiganiro byibanze ku kurebera hamwe kuri gahunda zo kwihutisha iterambere icyiciro cya 2(NST2) u Rwanda rurimo gutegura. 

Umuhuzabikorwa w'Amashami y'Umuryango w'Abibumbye, Ozonnia Ojielo avuga ko Umuryango w'Abibumbye ufasha mu iterambere ry'u Rwanda mu nzego zitandukanye zirimo ubuhinzi, uburezi, ingufu, muri gahunda zo guteza imbere imiyoborere. 

Kuba uyu muyobozi yagiranye ibiganiro na Minisitiri w'Intebe w'u Rwanda Dr Edouard Ngirente, ngo wabaye umwanya mwiza wo gutanga ubutumwa bw'uko Umuryango w'Abibumbye wifatanyije n'u Rwanda muri ibi bihe byo kwibuka ku nshuro ya 30 Jenoside yakorewe Abatutsi.