Perezida Kagame na Madamu bakiriye abana bato mu Rugwiro kwizihiza iminsi mikuru

Perezida wa Repubulika na Madamu we Jeannette Kagame bakiriye muri Village Urugwiro abana bahagarariye abandi bagera kuri 200 mu rwego rwo kubifuriza iminsi mikuru isoza umwaka.

Perezida wa Repubulika Paul Kagame na Madamu we Jeannette Kagame bari bavuye muri siporo ngarukazwezi mu mujyi wa Kigali, nibo ubwabo bakatiye umutsima wa kijyambere aba bana b'ingeri z'inyuranye baturutse mu turere twose tw'u Rwanda hamwe n'aba bamwe mu bagize guverinoma n'ab'abakozi b'imiryango Imbuto Foundation na Unity Club, imiryango yombi ikuriwe na Madamu wa Perezida wa Repubulika Jeannette Kagame.

Perezida wa Repubulika Paul Kagame yatangaje ko abana barezwe neza aribo mizero y'igihugu haba muri iki gihe no mu gihe kizaza.

Kwifuriza abana iminsi mikuru myiza isoza ikanatangira umwaka bimaze kumenyerwa ku buyobozi bw'ikirenga bw'u Rwanda .Ibi biriyongere ku zindi nzego zitandukanye zishimangira kwita ku bana inzego zirimo ihuroro ry'abana ndetse na Komisiyo y'igihugu ishinzwe abana.

Inkuru irambuye mu mashusho: