Gereza ya Kigali (1930) yatangiye kwimura abagororwa ibajyana Mageragere

Imfungwa n'abagororwa basaga ibihumbi 3 bari basanzwe bafungiye muri gereza ya Nyarugenge bimuriwe muri gereza nshya ya Mageragere. Komiseri mukuru w'urwego rushinzwe imfungwa n'abagororwa (RCS) George Rwigamba yavuze ko iyi gereza izafasha uru rwego gukora inshingano zarwo neza no gutuma abahagororerwa babona uburenganzira bukwiye.

Ku mpungenge z'uko aho bimuriwe ari kure ku buryo bizagora imiryango yabo yabasuraga, Komiseri wa RCS yavuze ko aho gereza ya Mageragere iri hari imihanda imeze neza kandi igikorwa cyo gusura kizakomeza nk’uko bisanzwe.

Abagore bafungiye muri gereza ya Nyarugenge bo ntibimuwe, kuko inyubako zibagenewe i Mageragere zitaruzura. Biteganyijwe ko mu gihe izindi nyubako z’iyi gereza zizaba zimaze kuzura, imfungwa n'abagorogwa bari muri Gereza ya Gasabo muri Kimironko nabo bazimurirwayo, kuko ari Gereza ifite ubushobozi bwo kwakira abantu ibihumbi 8,000.

Inkuru mu mashuho: