Ikigo gishinzwe ingufu REG cyasabwe gukemura ibibazo bikigaragara mu mikorere yacyo

Komisiyo ishinzwe kugenzura imikoreshereze y'Imari n'umutungo by'igihugu mu Nteko Ishinga Amategeko PAC yasabye ubuyobozi bw'Ikigo cy'Igihugu gishinzwe ingufu REG gukemura ibibazo byagaragaye muri Raporo y'Umugenzuzi mukuru w'Imari ya Leta kuko bidakozwe byazagusha Leta mu gihombo mu bihe bizaza.

Muri ibyo harimo gusubiramo amasezerano y'inyigo z'umushinga wa Nyabarongo II uzatanga Megawatt 43 z'umuriro w'amashanyarazi, kunoza ibitabo by'amasoko bigakorwa mu mucyo n'ibindi.

Umuyobozi mukuru w'Ikigo cy'Igihugu gishinzwe ingufu REG Armond Zingiro yemeza ko inama bagiriwe bagiye kuzikurikiza kugira ngo imishinga bafite ifitiye abaturage akamaro izashyirwe mu bikorwa neza.

Juventine Muragijemeriya