AGEZWEHO

  • U Rwanda rwemeje burundu amasezerano akumira uburobyi bwa magendu – Soma inkuru...
  • Abasaga ibihumbi 53 baciye mu bigo ngororamuco mu myaka 14 – Soma inkuru...

Musanze: Abaturage batewe impungenge n’ibyobo byasizwe mu birombe byacukurwagamo ishwagara

Yanditswe May, 16 2021 11:18 AM | 44,195 Views



Mu Murenge wa Muhoza mu karere ka Musanze, hari abaturage batewe impungenge n’ibyobo byasizwe mu birombe byacukurwagamo  ishwagara bitagikoreshwa.

Aba baturage baravuga ko inzego bireba zakurikirana icyo kibazo, kuko uretse kuba ubwo butaka bwarangirijwe bikomeye n’abahacukuraga, babona bishobora kuba indiri y’amabandi cyangwa baigateza impanuka.

Ibyo birombe byacukuwemo ishwagara ariko ubutaka ntibwongere gusubiranywa nk’uko abacukuzi babisabwa, biherereye mu Murenge wa Muhoza mu kagari ka Cyabararika mu Mudugudu wa Kiryi.

Uwitwa Nshimyumuremyi Ephrem, avuga ko inzego bireba zasuzuma zigashaka igisubizo kuri ubwo butaka ku buryo bwakorerwaho indi mirimo.

Abaturage bavuga ko ubwo butaka bwakorerwagaho n’uwitwa Ntiruhungwa utakibaho, ariko ngo abo yasize ntibubahirije ayo mabwiririza yo kwita ku butaka bwacukuwemo ishwagara.

Nsengumuremyi Donath, umuyobozi ushinzwe ubugenzuzi bw’ubucukuzi bwa mine na kariyeri mu  kigo gishinzwe mine, peteroli na gazi mu Rwanda , avuga ko abacukuzi bakwiye kujya binjira muri uwo mwuga basobanukiwe imikorere yemewe.

Urwego rushinzwe mine, peteroli na gazI kandi rusaba abaturage  kujya batanga amakuru mu nzego zibegereye, ku hagaragara ubucukuzi bukorwa nabi burimo n’ubwangiririza ibidukikije.  

Mu mabwiririza agenga ubucukuzi mu Rwanda harimo ibihano byo kubaka no gusana ibyangirizwa, guhagarikirwa ubucukuzi butubahiririza amategeko ndetse ababukora bagasabwa gukoresha imashini zigezweho hirindwa impanuka zose zabushingiraho hitabwa cyane ku  mutekano n’ubuzima bw’abacukuzi mu kazi.


Tuyishime Jado Fils



Ba uwambere gutanga igitekerezo

Tanga igitekerezo:



RSS FEED

Muhanga: Polisi yarashe ukekwaho kwiba insiga z'amashanyarazi