Madamu Jeannette Kagame yakanguriye urubyiruko guhangana n’ibiyobyabwenge n’inda ziterwa abangavu

AGEZWEHO

  • Abasirikare ni abenegihugu nk’abandi ntibakwiye guhezwa mu bigiteza imbere- Gen Kazura – Soma inkuru...
  • U Bubiligi bwahaye u Rwanda inkunga ya Miliyari 18 Frw yo guteza imbere abagore n'urubyiruko – Soma inkuru...

Madamu Jeannette Kagame yakanguriye urubyiruko guhangana n’ibiyobyabwenge n’inda ziterwa abangavu

Yanditswe Dec, 14 2019 09:57 AM | 1,419 Views



Madamu wa Perezida wa Repubulika Jeannette Kagame arakangurira urubyiruko gufasha ubuyobozi bw'igihugu gushaka ibisubizo by'ibibazo byugarije igihugu birimo inda ziterwa abangavu ndetse n'urubyiruko rushorwa mu biyobyabwenge.

Ibi Madamu Jeannette Kagame yabitangarije mu muhango wo guhemba imishinga y’urubyiruko yahize indi ikaba yanahembwe ibihumbi 10 by’amadolari kuri buri mushinga.

Uwimana Jean Berchmans na Cyprien Iradukunda bombi ni abasore b'imyaka 27 b'abaganga. Umushinga wo gukora ikiganiro cyiswe ibirungo byo kuboneza urubyaro ku bagabo gica ku mbuga nkoranyambaga ni cyo cyaje ku isonga mu mishinga irenga 700 yahatanaga mu marushanwa yiswe iAccelerator yateguwe n'Imbuto Foundation ku bufatanye n'abafatanyabikorwa batandukanye.

Aba basore bavuga ko kubona iki gihembo bigiye gutuma bagura imikorere yabo.

Na ho Christelle Kwizera uherutse gutsindira ibihumbi 100 by'amadorari mu marushanwa yateguwe n'umuherwe Jack Ma avuga ko kugira ibitekerezo byiza bigamije iterambere rusange ari ikintu buri rubyiruko rukwiye kugira bitewe n'uko Leta itanga urubuga ku rubyiruko rwo kugaragaza icyo rushoboye.

Umunyamabanga wa Leta muri Minisiteri y'Urubyiruko n'Umuco Edouard Bamporiki yasabye urubyiruko kutazatenguha abaruhaye ijambo anarusaba kwirinda kurangazwa n'ubigezweho.

Madamu Jeannette Kagame yakanguriye urubyiruko kugira uruhare mu kurwanya ibiyobyabwenge arwizeza ko ntacyo rwaburana igihugu  kugirango rubeho neza.

Mu bushakashatsi ikigo cy'igihugu gishinzwe ubuzima bwo muri 2017 bwagaragaje kuva muri 2012-2017  ibitaro bya Ndera byakiriye abantu ibihumbi 6196 bafite uburwayi bwo mu mutwe bukomoka ku ikoreshwa ry'ibiyobyabwenge. Ni mu gihe kandi mu bushakashatsi bwa RBC bwo muri 2012 bugaragaza ko 52% by'urubyiruko ruri hagati y'imyaka 14 na 35 rwafashe ku biyobyabwenge nibura rimwe mu buzima.

Inkuru mu mashusho


Kwizera John Patrick



Ba uwambere gutanga igitekerezo

Tanga igitekerezo:



RSS FEED

Mme Jeannette Kagame avuga ko ishyaka ryaranze Abanyarwanda mu bikomeye ryaratum

Madamu Jeannette Kagame asanga Afurika idakwiye gusigara inyuma mu buvuzi

Madamu Jeannette Kagame yasabye abanyamuryango ba FPR Inkotanyi gufasha imiryan

Madamu Jeannette Kagame yitabiriye umuhango wo gusoza amasomo muri Green Hills A

Madamu Jeannette Kagame yasabye urubyiruko kwitanga ku rugamba rwo kurwanya Jeno

Madamu Jeannette Kagame yagaragaje inzira u Rwanda rwaciyemo mu guteza imbere um