Iyo imvura iguye bikanga ko yabateza ibiza

Minisiteri ishinzwe Ibikorwa by'Ubutabazi iravuga ikomeje ibikorwa bigamije kwitegura guhangana n'ibiza bishobora guterwa n'imvura. Gusa igasaba n'abaturage gushyiraho akabo nko kuzirika ibisenge by'inzu zabo neza ndetse no guca imiyoboro amazi y'imvura.

Mu myaka ya vuba n'iya kera hari Abanyarwanda babuze ababo bitewe n'imvura yabaga yaguye bidasanzwe, abantu bagapfa, amatungo agapfa, inzu n'ibindi bikangirika mu buryo bukomeye.

Abaturage cyane cyane abari mu bice bishyira mu kaga ubuzima bwabo, bavuga ko ibihe by'imvura iyo byegereje imitima yabo iva mu bitereko.

Umunyamabanga Uhoraho muri, Minisiteri ishinzwe Ibikorwa by'Ubutabazi, Kayumba Olivier avuga ko imyiteguro ihoraho igamije gukumira ndetse no guhangana n'ibiza icyakora hari icyo basaba abaturage bakwiye gukora.

Ibindi iyi minisiteri isaba abaturage ni ukwimuka mu manegeka, mu nzu zishaje n'ahandi hashyira ubuzima bwabo mu kaga, isaba kandi buri karere gakurikije uko gakunze kwibasirwa n'ibiza gushyiraho uburyo bwo kuzabyitwaramo hakiri kare.

Paul RUTIKANGA