AGEZWEHO

  • U Rwanda rwemeje burundu amasezerano akumira uburobyi bwa magendu – Soma inkuru...
  • Abasaga ibihumbi 53 baciye mu bigo ngororamuco mu myaka 14 – Soma inkuru...

Davos: Perezida Kagame yahuye na Perezida Zelensky wa Ukraine

Yanditswe Jan, 16 2024 20:04 PM | 4,487 Views



Perezida wa Repubulika Paul Kagame uri i Davos mu Busuwisi mu nama mpuzamahanga yiga ku bukungu bw'Isi, kuri uyu wa Kabiri yagiranye ibiganiro na Perezida wa Ukraine, Volodymyr Zelensky.

Ni ibiganiro byibanze ku ntambara yo muri Ukraine ndetse n'ingamba zihari zo gushaka umuti w'amakimbirane.

Mu butumwa yanyujije ku rukuta rwe rwa X, Perezida wa Ukraine Volodymyr Zelensky yatangaje ko yamenyesheje Perezida Kagame gahunda y'amahoro igihugu cye gifite, anagaragaza icyifuzo cye cy'uko ibihugu bya Afurika byashyigikira Ukraine muri iyi gahunda.

Igihugu cya Ukraine giheruka gufungura ambasade mu Rwanda mu rwego rwo gukomeza umubano wacyo n'u Rwanda ndetse n'ibihugu byo mu karere ruherereyemo.

Igihugu cya Ukraine kigiye kumara imyaka hafi ibiri kiri mu ntambara n'Uburusiya.

Ni intambara yagize ingaruka zitandukanye ku bukungu bw'isi by'umwihariko mu gutuma ibiciro by'ibiribwa ndetse n'ibikomoka kuri peteroli bitumbagira.

Jean Paul Niyonshuti




Ba uwambere gutanga igitekerezo

Tanga igitekerezo:



RSS FEED

Muhanga: Polisi yarashe ukekwaho kwiba insiga z'amashanyarazi