Yanditswe Oct, 05 2020 11:32 AM | 45,498 Views
Abarwanyi bo mu mutwe wa Red Tabara baherutse gufatirwa ku butaka bw'u Rwanda n'ingabo za RDF taliki ya 29 Nzeri uyu mwaka, kuri uyu munsi baretswe itangazamakuru hamwe n'itsinda rya EJVM ry'abasirikare baturutse mu bihugu bigize umuryango w'ibihugu by'ibiyaga bigari bashinzwe kugenzura imipaka y'ibihugu bigize uyu muryango.
Ni umuhango wabereye mu ishyamba rya Nyungwe ku ruhande rw'Akarere ka Nyaruguru mu murenge wa Ruheru.
Major Alexis Nkuranga uyobora ikigo cya gisirikare cya Ruheru yabwiye iri tsinda rya EJVM ko aba barwanyi bose uko ari 19 bafatiwe n'Ingabo z'u Rwanda mu ishyamba rya Nyungwe mu muri metero 600 uvuye ku butaka bw'u Burundi.
Yavuze ko aba barwanyi bafashwe ahagana ku isaha ya saa ine z'amanywa za tariki ya 29 Nzeri, bafite ibikiresho bya gisirikare birimo imbunda zo mu bwoko bwa AK 47 zigera kuri 17, imwe ya Machine Gun ndetse na Rocket Louncher imwe. Bafatanywe kandi ibindi bisasu biturika hamwe n'agafuka k'amasasu.
Nkurunziza Egide uhagarariye iri tsinda ry'izi nyeshyamba, yatangaje ko ugufatirwa ku butaka bw'u Rwanda byatewe n'uko bari bahunze imirwano yemeza ko bamazemo ukwezi n'ingabo za leta y'u Burundi bahanganye, maze ubwo bageragezaga kubererekera ibirindiro byazo baza kurenga umupaka bisanga mu mutego w'ingabo z'u Rwanda ziba zirinze umutekano muri ibi bice.
Nkurunziza yakomeje avuga ko bakimara gufatwa n'Ingabo z'u Rwanda RDF, muri iyi minsi bamaze mu maboko yazo, bafashwe neza cyane mu gihe bagitegereje umwanzuro uzava muri iri perereza riri gukorwa n'iri tsinda.
Uhagarariye itsinda rya EJVM, Colonel Ibouanga Rigobert waturutse muri Repubulika iharanira Demokarasi ya Kongo, arasaba imitwe yitwara gisirikare ikorera mu karere mu mashyamba atandukanye guhagarika ibikorwa bya kinyamaswa kuko bidinziza iterambere ry'abatuye aka karere.
Colonel Ibouanga yavuze ku wa Gatatu w'iki Cyumweru bazaba bashyize ahagaragara ibyavuye mu iperereza barimo gukora.
Aha mu Murenge wa Ruheru mu Karere ka Nyaruguru hakunze kuba inzira y'abagizi ba nabi bakunze kuhifashisha mu kugaba ibitero ku butaka bw'u Rwanda byagiye binahitana ubuzima bw'abaturage. Gusa abahatuye ndetse n'abandi baturiye Nyungwe bagaragaza ko babaye maso kuko biyemeje gufatanya n'Ingabo z'u Rwanda mu kubungabunga umutekano wa kano gace.
Callixte KABERUKA
Urubyiruko rwavutse nyuma ya Jenoside rugeze he rwigishwa amateka yaranze u Rwanda?
Apr 24, 2024
Soma inkuru
Musanze: Hatangijwe igikorwa cyo gusuzuma kanseri y’inkondo y’umura ku bafite hagati y ...
Apr 24, 2024
Soma inkuru
Ingabo z'u Rwanda n’iza Jordanie zaganiriye ku kubyutsa imikoranire mu bya gisirikare
Apr 24, 2024
Soma inkuru
U Rwanda rwongeye kugaragaza ko rwiteguye kwakira abimukira bazava mu Bwongereza
Apr 23, 2024
Soma inkuru
Perezida Kagame yagiranye ibiganiro na mugenzi we w'u Bufaransa
Apr 23, 2024
Soma inkuru
Nkunduwimye yashinjwe gufatanya na Georges Rutaganda gutanga intwaro zakoreshejwe kwica Abatutsi
Apr 23, 2024
Soma inkuru
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru