Yanditswe Aug, 25 2022 16:26 PM | 147,603 Views
Abamotari
hirya no hino mu gihugu baravuga ko kuba bimwe mu bibazo bahura nabyo
byagejejwe kuri perezida Paul Kagame, bafite icyizere ko bigiye
gukemuka mu buryo bwihuse, kuko byari bimaze kuba agatereranzamba.
Iyo ugeze mu bamotari ugasa n’ubaganiriza, nta kindi bagusanganiza usibye amaganya ashingiye ku bibazo bavuga ko bibangamiye imikorere yabo. Bimwe muri ibyo ni icy’ubwishingizi bwa moto buhenze, amande bacibwa batazi impamvu zayo, ikoreshwa rya mubazi n’ibindi.
Ubwo perezida Kagame yakiraga ibibazo by’abaturage mu ruzinduko yarimo mu karere ka Ruhango, hajemo n’umumotari uhakorera witwa Bizimana Pierre.
Yagaragarije umukuru w’igihugu ko bafite ibibazo bikomeye ku isonga ahashyira icy’igiciro cy’ubwishingizi kuri ubu cyatumbagiye.
Umukuru w’igihugu yabajije aho inzego zibishinzwe zigeze zikemura ibi bibazo, maze minisitiri w’ibikorwaremezo avuga ko ibi bibazo bizaba byakemutse mu mezi abiri.
Perezida Kagame yagaragaje ko ibi bibazo by’abamotari abizi kandi bimaze igihe, yizeza ko we ubwe agiye kubikurikirana.
Nyuma yo gutangaza ibi abamotari bagaragaje akanyamuneza ko ibibazo byose bafite bigiye gukemuka vuba ubwo byageze ku mukuru w’igihugu.
Bimwe mu bibazo bivugwa mu rwego rw’abatwara abagenzi kuri moto byagiye bishakirwa umuti, ariko hasigara ibyo bagaragaza nk’iby’ingutu nk’ubwishingizi bw’ibinyabiziga byabo, ikoreshwa rya mubazi, n’ibindi.
Bonaventure Cyubahiro
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
2 hours
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru
Abamotari batakambye ku biciro by’ubwishingizi birushaho gutumbagira
Apr 16, 2024
Soma inkuru