AGEZWEHO

  • RIB yerekanye abasore babiri bakekwaho kwiba amadorali ya Amerika asaga 9000 – Soma inkuru...
  • Minisitiri w'Intebe Dr Ngirente avuga ko u Rwanda rwiteguye gutanga umusanzu mu kurwanya Malaria – Soma inkuru...

2018 na 2019: Abagabo 86 bishe abagore babo, na ho abagore 30 bica abagabo-RIB

Yanditswe Aug, 17 2020 13:27 PM | 51,536 Views



Imibare igaragazwa n'Urwego rw'igihugu rw'Ubugenzacyaha RIB yerekana ko muri 2019 abagabo 49 ari bo bishe abagore babo na ho abagore 14 na bo bica abagabo.

Abahanga mu birebana no gukumira no guhosha amakimbirane bemeza ko ibi bigira ingaruka z'igihe kirekire mu muryango igihe nta gikozwe ngo ibi bibazo bihagarare.

Tariki 21 Mata 2018 ni bwo Ntezimana Jean Damascène wari utuye mu Murenge wa Karenge mu Karere ka Rwamagana  yicaga umugore we bashakanye Muhawenimana Beatrice bari bafitanye abana 6.

Nyuma yo gukatirwa igifungo cya burundu, abana babo 4 basigaye barerwa na Nyinawabo wa nyakwigendera abandi 2 bakuru umuhungu n'umukobwa bafashe icyemezo cyo kwibeshaho bakomeza kuba iwabo.

Aba bana bavuga  ko ubuzima butaboroheye na gato, aho usanga no kubona icyo kurya bibagora.

Mukakibibi Anonciatta wasigaranye abandi bana 4 na we avuga ko ari icyemezo gikomeye yafashe na we kitamworoheye bitewe n’uko abana be bose bari bamaze gukura ariko yiyemeza kongera kurera abana bato.

Avuga ko aba bana byabagizeho ingaruka.

Ikibazo cy'ubwicanyi mu muryango nanone giherutse kugaragara mu Murenge wa Kinyinya mu Karere ka Gasabo ku itariki 9 Kanama uyu mwaka ubwo Daniel Zirikana yicaga umugore we w'imyaka 22 bari bafitanye umwana umwe. Uwakoze ubwo bwicanyi kugeza ubu yarahunze akaba agishakishwa n’inzego z’ubugencacyaha

Kuri uyu uyu mwana w’imyaka itatu  ubu ari kurerwa n’umuturanyi.

Imibare y'Urwego rw'Igihugu rw'Ubugenzacyaha igaragaza ko muri  2019, abagabo 49 ari bo bishe abagore babo na ho abagore 14 bica abagabo babo. Ni mu gihe muri 2018  abagabo 37 ari bo bishe abagore babo, na ho abagore 16 bica abagabo babo.

Umuhanga mu birebana n'iterambere n'uburinganire akaba n'umwarimu muri Kaminuza y'u Rwanda Dr. Hategekimana Celestin avuga ko iki ari ikibazo gishobora kwaguka kikarenga umuryango igihe kititaweho.

Umuyobozi w'Umuryango urengera abagore n'abana HAGURUKA, Monique Munyankindi  avuga ko ubwiyongere bw'imiryango itandukana yiyongera ari kimwe mu bimenyetso bigaragaza ubukana bw'iki kibazo.

Ubushakashatsi bwakozwe n'urwego rw'imiyoborere RGB mu mwaka wa 2017, abaturage babajijwe bagaragaje ko amakimbirane mu miryango yari hejuru ya 50% by'imiryango yose mu gihugu, muri 2019 ubwo bushakashatsi bwongera kugaragaza ko amakimbirane yo mu miryango yari ku kigero cya 60.7% na ho umwaka ushize wa 2019, amakimbirane mu muryango yari ku kigero cya 70.39%.

Inkuru irambuye mu mashusho


Bosco KWIZERA



Ba uwambere gutanga igitekerezo

Tanga igitekerezo:



RSS FEED

Ubuhamya bw'abakinnyi barokowe na Siporo muri Jenoside yakorewe Abatutsi

REG BBC yisubije Thomas Cleveland Jr

Oscar Pistorius yafunguwe ku mbabazi nyuma y'imyaka 9 afunze kubwo kwica um

Jurrien Timber myugariro wa Arsenal ari mu Rwanda muri Gahunda ya Visit Rwanda

Twitege iki kuri Tour du Rwanda ya 2024?

Amagare: FERWACY yabonye abayobozi bashya

Perezida Kagame yakiriye abegukanye ibihembo bya Trace Awards 2023

Car Free Day: Umujyi wa Kigali washimiwe kugira ibikorwaremezo byorohereza abage