Yanditswe Sep, 20 2018 22:17 PM | 76,852 Views
Ubushinjacyaha bukuru
bw'u Rwanda bwavuze ko bugiye gukaza ingamba mu gukurikirana abanyereza
umutungo w'igihugu. Bugaragaza ko mu myaka 3 ishize abantu 1.609
bakurikiranyweho kurigisa miliyari zisaga 40.
Ubushinjacyaha bukuru bugaragaza ko ibyaha
bimunga ubukungu bw'igihugu birushaho kwiyongera kuko mu myaka 3 ishize
bwakiriye dosiye 1.736. Izigera ku 1.126 ziregwamo abantu 1.609 zagejejwe mu
rukiko bakurikiranyweho kunyereza miliyari 40.3.
Muri bo abantu 1192 bahamijwe icyaha bategekwa kugarura miliyari 16.2 z'amafaranga y’u Rwanda. Umushinjacyaha mukuru Mutangana J.Bosco yemeza ko ubushinjacyaha bugiye kongera imbaraga mu kurwanya ibyaha bimunga ubukungu bw'igihugu. Ati, "Muri dosiye 643 zabaye itegeko zifite agaciro ka miliyari zisaga 3, ubushinjacyaha bumaze kugaruza miliyoni 413.9 mu gihe agera kuri miliyoni 167.2 yatanzwe nk'amande.
Umugenzuzi mukuru w'imari ya Leta Obadiah Biraro avuga ko abasaba amafaranga muri leta bakwiye kuyakoresha icyo bayasabiye aho kuyanyereza kandi ngo barazwi.
Umuyobozi w'umuryango
urwanya ruswa n'akarengane, Transparency International Rwanda, Ingabire Marie
Immaculee asanga bikwiye ko inzego z'ubutabera zikora akazi kazo ko
gukurikirana abanyereza umutungo w'igihugu aho kugira ngo umutungo w'abantu
benshi wigire mu mifuka ya bamwe.
Muri gahunda yo gukomeza kurwanya abakora ibyaha bifitanye isano no kumunga ubukungu bw'igihugu, hagiyeho uburyo bwo gukorana n'ibihugu bitandukanye kugirango uwabihungiramo akurikiranyweho kunyereza umutungo w’igihugu afatwe.
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru