Urubyiruko rw'abakorerabushake rwiyemeje kugira uruhare mu kurwanya imirire mibi

AGEZWEHO


Urubyiruko rw'abakorerabushake rwiyemeje kugira uruhare mu kurwanya imirire mibi

Yanditswe January, 25 2019 at 22:22 PM | 60231 Views



Urubyiruko rw'abakoranabushake 'Youth Volunteers' rwiyemeje gutanga umusanzu warwo mu guhangana n'ibibazo byugarije abana birimo kugwingira n'imirire mibi. Bikubiye mu masezerano rwasinyanye n'ikigo gishinzwe imbonezamikurire y'abana bato.

Ni amasezerano y'umwaka umwe agamije guhashya ikibazo cy'imirire mibi n'igwingira ry'abana. Uru rubyiruko ruzibanda ku gukora ubukangurambaga bugamije kurwanya iki kibazo, kugira uruhare mu kubaka uturima tw'igikoni, ndetse umwana ufite ikibazo akaba afite umukorerabushake umukurikirana umunsi ku munsi. Urubyiruko ruhamya ko ruzesa imihigo rwasinye, dore ko rusaga ibihumbi 250 mu gihugu hose.

Umuhuzabikorwa w'uru rubyiruko ku rwego rw'igihugu Murenzi Abdallah atanga ikizere cy'umusaruro uzaturuka mu rubyiruko rw'abakorerabushake. Yagize ati, "Twihaye ko mu mwaka umwe tuzicara tukareba ibyagezweho, tugafata ingamba zo kuba twasinya andi cyangwa twafata andi y'igihe kirekire, icyizere gihari ni uko urubyiruko rw'abakorerabushake turahari hose mu gihugu kandi abo twagiye tugirana amasezerano y'ubufatanye nka polisi y'igihugu cyacu ibigo bitandukanye umusaruro wagiye ugaragara."

Umuhuzabikorwa wa gahunda y'Igihugu mbonezamikurire y'abana bato Dr.Anita Asiimwe asanga hakenewe imbaraga ziturutse mu nzego zitandukanye kugira ngo ikibazo cy'imirire mibi gikemuke. Ati, "Iyo umwana arenze imyaka ye 2 ya mbere y'amavuko tutarakoze ibyo tugomba gukora bishobora kumugiraho ingaruka mu buzima bwe bwose, niyo mpamvu dushimangira ko ari ibintu tugomba gukora twihuse, dushyizeho ingufu kandi dufatanyije twese kuko ni ubufatanye bwa buri wese tugashyiramo imbaraga kugirango tugere kucyo twifuza kugeraho."

Ibipimo bigaragaza ko ikibazo cy'igwingira ry'abana kiri ku gipimo cya 38%, mu gihe igihugu kihaye intego yo kugabanya iki gipimo nibura kikaba kigeze kuri 19% mu mwaka wa 2024. Ibi ngo bizashoboka biturutse ku bufatanye bw'inzego zitandukanye harimo n'urubyiruko.



Ba wambere gutanga igitekerezo

Tanga igitekerezo:



RSS FEED

U Rwanda na Uganda mu masezerano agamije guhagarika ubwumvikane buke

U Buyapani bwemereye u Rwanda inguzanyo ya miliyoni 91$ yo kurwanya imirire mibi

SOS Children’s Village Rwanda yoroje abaturage inka 100 n’andi matun

U Rwanda na DRC byemeranije kugabanya urujya n’uruza hagamijwe gukumira Eb

Kuva 2018 urubyiruko 515 rwafashwe runyujijwe mu Rwanda rugiye gucuruzwa

Abazajya binjira muri 'EXPO' bazajya bishyura bakoresheje MTN Mobile M