Urubyiruko rw’Abanyarwanda ruba mu muhanga rwasabwe kurwanya ihakana rya Jenoside

Kuri uyu wa Gatanu, urubyiruko  rw’Abanyarwanda ruba mu muhanga cyane cyane ku mugabane w’u Burayi barenga 60, rwasuye ingora y’amateka yo guhagarika Jenoside.

Rwiganjemo urwavukiye mu mahanga nyuma ya Jenoside yakorewe abatutsi, rugamije kurushaho kwiga amateka y’Igihugu cyarwo.

Uru rubyiruko rwiganjemo urwavutse nyuma ya Jenoside yakorewe Abatutsi, kandi bakavukira mu mahanga, rwaje mu Rwanda ku bushake bwarwo rugamije kurushaho kwiga amateka y’Igihugu cyabo.

Bakihagera basobanuriwe amateka y’urugamba rwo kubohora igihugu, nyuma yaho baganirizwa n’abayobozi batandukanye basabye uru rubyiruko gutangira gutanga umusanzu warwo mu rugendo rwo kubaka igihugu.

Minisitiri w’Ububanyi n’Amahanga, Dr Vincent Biruta yasabye uru rubyiruko kutiyita bato kuko ku myaka yabo batanga umusanzu utagereranywa mu kubaka igihugu, ndetse no kurwanya abahakana bakanapfobya Jenoside yakorewe abatutsi kenshi babikorera mu bihugu byo hanze uru rubyiruko rwaturutsemo.

Benshi muri uru rubyiruko bafite imyaka iri munsi ya 25, bakaba baturutse mu bihugu by’u Bubiligi, u Bwongereza, Denmark u Buholandi na Canada.