Umuti wa FAVIPIRAVIR watumye abarwayi bakira COVID19 biyongera cyane

AGEZWEHO

  • Perezida Kagame yitabiriye inama ya ICGLR yiga ku mutekano wa Centrafrika – Soma inkuru...
  • Kwibuka27: Karongi na Nyamagabe, uturere twa mbere dufite imiryango myinshi yazimye – Soma inkuru...

Umuti wa FAVIPIRAVIR watumye abarwayi bakira COVID19 biyongera cyane

Yanditswe Feb, 22 2021 10:06 AM
53,947 Views



Mu gihe imibare y’abakira icyorezo cya COVID19 ikomeje kwiyongera mu Rwanda, abaganga b’inzobere bakurikirana ubuzima bw’abanduye iki cyorezo mu Rwanda barishimira umusaruro umaze gutangwa n’umuti wa FAVIPIRAVIR nyuma y’ukwezi utangiye gukoreshwa mu kwita kuri abo barwayi.

Tariki 20 Mutarama 2021, Tariki 20 Gashyantare 2021, ukwezi kuruzuye u Rwanda rutangiye gukoresha umuti wa Favipiravir mu buvuzi bw’icyorezo cya COVID19.

Ubaze umubare w’abakize iki cyorezo umunsi ku wundi, usanga muri uku kwezi hamaze gukira abagera ku 9 017, kuko bavuye ku 7 580 bagera ku 16 597, binatuma igipimo cy’abakira bava kuri 65.6% bagera kuri 92.2%.

Dr. Menelas Nkeshimana uri mu itsinda ry’abaganga bakurikirana abarwayi ba COVID19, avuga ko umuti wa Favipiravir ufite uruhare runini mu kwiyongera kw’imibare y’abakira dore ko wanagabanyije igihe koronavirusi yamaraga mu mubiri ku barwayi barenga 50%.

Ibi kandi binashimangirwa na bamwe mu barwayi bakoresheje uyu muti, bakemeza ko nyuma yo kuwukoresha ibimenyetso bya COVID19 bari bafite byakize vuba bigatuma banasezererwa mu bitaro. Aba ni bamwe muri bo twaganiriye ku murongo wa telefone:

Kuba imibare y’abarwayi ba COVID19 ikomeje kugabanuka biri mu byashingiweho na guverinoma kuri uyu wa Gatanu ubwo yafatanga ingamba nshya zo kwirinda iki cyorezo bigaragara ko zorohejwe ugereranyije n’izari zisanzwe.

Kugeza ubu igabanuka ry’abarwayi ba COVID19 mu Rwanda rirajyana n’igabanuka ry’abahitanwa na yo, icyakora inzobere z’abaganga zikaba zisaba buri wese kutirara, abanduye bakivuza hakiri kare, ndetse bagasaba abaturage kwirinda kwitiranya iki cyorezo n’izindi ndwara nka malaria ahubwo bakipimisha bacyumva ibimenyetso byayo.

Divin UWAYO 



Ba uwambere gutanga igitekerezo

Tanga igitekerezo:



RSS FEED

Perezida Kagame yatangaje ko hari abashoramari bakora inkingo biteguye kuzikorer

COVID19: U Rwanda rwatangiye gutanga doze ya kabiri y'urukingo rwa Pfizer

Perezida Kagame yavuze ko COVID19 yerekanye imbaraga zihishe Afurika yakubakirah

Uko isaha ya saa moya yubahirizwa mu turere 6 tw'Amajyepfo

Guverinoma yongeye kwibutsa abaturage kutadohoka ku ngamba zo kwirinda COVID19

COVID19: Gukingirwa ntibivuze kutandura cyangwa kutanduza- RBC irasaba abantu kw