Yanditswe Mar, 12 2019 12:07 PM | 3,710 Views
Umunyamabanga wungirije wa Leta zunze ubumwe za America ushinzwe gukurikirana umugabane wa Afurica Tibor Nagy avuga ko nubwo u Rwanda rwahagarikiwe ibicuruzwa byarwo byoherezwayo bikuriweho imisoro binyuze mu masezerano ya AGOA, ngo si ibicuruzwa byose usibye imyenda yonyine.
Mu kiganiro yagejeje ku banyeshuli bo muri Kaminuza ya Carnegie Mellon University, Uyu munyamabanga wa leta ya America wungirije ushinzwe Afurica Tibor Nagy yavuze ko ari uruzinduko rwe muri Afurika rugamije guteza imbere ubufatanye mu birebana n'ubucuruzi ndetse n'ubuhahirane muri rusange.
Avuga ko iki gihugu gifatanya cyane n'uyu mugabane wa Afurika byumwihariko u Rwanda aho yemeza ko kimaze kuhashora miliyoni zisaga 300 z'amadorali y'america guhera muri 2015.
Mu Rwanda gusa ngo niho honyine abakozi babo bemererwa n'abashinzwe umutekano muri Ambasade yabo kugenda mu gihugu hose.
Nyuma yaho u Rwanda rufatiye icyemezo cyo guhagarika imyenda n'inkweto bya caguwa no kuzamura imisoro yabyo, America yahise ihagarika ibicuruzwa igihugu cyoherezaga muri America bikuriweho imisoro. Tibor Nagy avuga ko iki cyemezo kitareba ibicuruzwa byose.
Imwe mu mishinga yishimiye u Rwanda rufatanyamo n'igihugu cye irimo iya drones utudege duto twifashishwa mu kohererza amaraso kwa muganga ku buryo zipline imaze gutanga amaraso inshuro zisaga ibihumbi 10.
Ubufatanye bw'u Rwanda na USA ngo bumaze gutera imbere ku kigero cya 300% mu myaka 10 ishize. Uyu mushyitsi uje ku nshuro ya mbere mu Rwanda nyamara yarakoreye kuri uyu mugabane mu gihe cy'imyaka 37, yishimira uburyo ruhagaze neza muri byinshi akurikije ibibazo rwanyuzemo.
Ni Inkuru ya Bosco Kwizera
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru