Yanditswe Jun, 22 2021 16:42 PM | 32,723 Views
Urubyiruko
rw'abakorerabushake mu bukangurambaga mu kwirinda no guhashya icyorezo cya
COVID-19, ruvuga ko ikigero cy'umubare w'abantu babasuzugura bakanakerensa
amabwiriza babaha ugenda ugabanuka, ku buryo iyo havutse ikibazo bunganirwa
n'inzego z'umutekano ziba ziri hafi.
Ahantu hanyuranye hahurira abantu benshi haba hari urubyiruko rw'abakorerabushake, bagenda bibutsa abaturage kubahiriza amabwiriza yo kwirinda covid19.
Bimwe mu byo babashishikariza harimo nko gukaraba intoki cyangwa gukoresha umuti uzisukura, gupimwa umuriro, kwambara neza agapfukamunwa, guhana intera hagati yabo no kwibutsa abatwara abagenzi kubahiriza amabwiriza bashyiriweho.
Aba bakorerabushake bemeza ko ibyo bakora ari umusanzu wabo mu guhangana n’iki cyorezo.
Banishimira ko aka kazi kagenda gahabwa agaciro kurushaho mbere uko byari bimeze.
Bamwe mu baturage nabo bemeza ko uru rubyiruko rubafatiye runini mu kwirinda ikwirakwira ry'icyorezo cya COVID-19.
Umuhuzabikorwa wa Youth Volunteers Community Policing, Murenzi Abdallah, ashimira uru rubyiruko rw'abasore n'inkumi ubwitange bagaragaza mu kazi kabo muri aya mezi 15 ashize igihugu gihanganye na covid19.
Rwanda Youth Volunteers ni abasore n'inkumi ibihumbi 408,000, ariko abagera ku bihumbi 10,030 ni bo bari mu bikorwa byo gukumira ikwirakwizwa ry'icyorezo cya COVID-19.
Abo bose uko ari ibihumbi 10 ngo nta n’umwe urandura iki cyorezo cya COVID-19.
Bosco Kwizera
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru