Uko abacuruzi berekeza Dubai bakiriye kuba RwandAir yabaye ihagaritse ingendo zerekezagayo

Nyuma y’uko RwandAir ihagaritse  ingendo zerekeza i Dubai, bamwe mu bacuruzi baravuga ko izi ari zimwe mu  ngaruka za Covid19, bakavuga ko batangiye kwitoza gukoresha ikoranabuhanga mu gutumiza ibiciruzwa.

Taliki ya 27 Ukuboza uyu mwaka nibwo isosiyete y'ubwikorezi bwo mu kirere ya RwandAir yasohoye itangazo rihagarika by'agateganyo ingendo z'indege  ziva cyangwa zerekeza i Dubai muri Leta. Zunze Ubumwe z'Abarabu. 

Bamwe mu bacuruzi bavuga ko bitewe n'icyorezo cya Covid19, batangiye kwimenyereza gutumiza ibicuruzwa hifashishijwe ikoranabuhanga n'ubwo bitaranoga neza.

Imibare itangwa n'urwego rw'igihugu rw'iterambere, RDB igaragaza ko mu mwaka wa 2017 ibyo u Rwanda rutumiza muri Leta zunze ubumwe z'abarabu byavuye ku gaciro ka million 166.4 bigera kuri million 237 z'amadolari mu mwaka wa 2018

Ni mu gihe ibyo rwoherezayo byavuye kuri Million  237 mu mwaka wa 2017, bigera kuri milliyoni zisaga  280 z'amadorali mu mwaka wa 2018.

Mbabazi Dorothy