Ubwandu bwa COVID19 muri Faisal, imwe mu mpamvu yatumye gusura abarwayi bihagarikwa

Ubuyobozi bw’Ibitaro byituriwe Umwami Faisal bivuga ko byafashe icyemezo cyo gukaza ingamba zo kwirinda iikwirakwira ry’icyorezo cya COVID19. Kimwe muri  ibyo byemezo ni ukuba hahagaritswe gusura abarwayo bari mu bitaro, ndetse n’umurwayi ugiye guhabwa ibitari akazajya abanza gupimwa.

Iki cyemezo gifashwe nyuma y’aho abaganga 5 bo muri ibi bitaro mu minsi ishize bapimwe bagasanga baranduye icyorezo cya COVID19.

Ubuyobozi bw’ibi bitaro buvuga ko kuri ubu  hari gupimwa abakozi bose kugira ngo bugire ishusho nyayo y’iki cyorezo muri ibi bitaro.

Kugeza ubu umurwayi uri mu bitaro azajya agira abarwaza 2 basimburana, aho mbere yo kwinjira,bazajya babanza gupimwa.

Ni mu gihe  umurwayi  uzajya agana ibi bitaro arembye, bazajya babanza bamupime barebe ko adafite ubwandu bwa COVID19.