Uburyo politiki yo kureba kure ikomeje gufasha u Rwanda

AGEZWEHO

  • Perezida Kagame yasabye abarangije muri UGHE kugira uruhare mu gukemura ibibazo biri mu buzima – Soma inkuru...
  • Agahimbazamusyi, gutizanya ‘gilets’: Ibibazo byugarije urubyiruko ruguhangana na COVID19 – Soma inkuru...

Uburyo politiki yo kureba kure ikomeje gufasha u Rwanda

Yanditswe Jun, 09 2020 07:49 AM
26,903 Views



Impuguke mu iterambere na politiki zisanga imiyoborere ireba kure u Rwanda rufite ikomeje kuba umusemburo w'iterambere ryarwo no kurugoboka mu bihe bikomeye nk'ibyo igihugu kirimo byo guhangana n'icyorezo cya COVID19.

Mu myaka 26 ishize u Rwanda rwashoye imari mu mishinga minini mu rwego rwo gutuma igihugu kibasha guhatana ku isoko mpuzamahanga. Nk'igihugu kidakora ku nyanja, kidafite umutungo kamere wo mu butaka, u Rwanda rwahisemo gushingira ubukungu bwarwo kuri serivisi, byumwihariko iz'ishingiye ku bukerarugendo.  

Uko niko igitekerezo cyo kubaka Kigali Convention Centre cyaje, umushinga wazanye impinduka zikomeye muri urwo rwego, nkuko umuyobozi w'ishami ry'ubukerarugendo mu rugaga rw'abikorera, PSF, Frank Mugisha abivuga.

Imibare y'ikigo cy'igihugu cy'ibarurishamibare mu Rwanda igaragaza ko umwaka ushize wa 2019 warangiye urwego rwa serivisi rwihariye hafi 50% by'umusaruro mbumbe w'igihugu, rukaba kugeza ubu rwaratanze akazi ku babarirwa mu bihumbi 145.

Mu yindi mishinga y'igihe kirambye u Rwanda rwashoyemo imari, ni sosiyete itwara abagenzi n'ibicuruzwa mu ndege, Rwandair. Kuri Dr. Murwanashyaka Amir, umwarimu muri kaminuza, ngo ibihe byo guhangana n'icyorezo cya COVID19 byongeye kwerekana ko Rwandair ari ikindi kimenyetso gishimangira imiyoborere ireba kure.

Ikoranabuhanga kandi kugeza ubu rifatwa nk'urutirigongo rw'imitangire ya serivisi mu nzego zose z'ubuzima bw'igihugu n'abatuye Isi. Uretse kureshya sosiyete z'itumanaho zashoye imari mu Rwanda, Leta na yo ubwayo yashoye za miliyoni z'amadorali mu kubaka umuyoboro mugari wa internet, broadband. Kuri Dr. Jean François Munyakayanza, impuguke mu burezi akaba ni umwarimu muri kaminuza, ngo impinduka iri shoramari ryazanye zigaragara no mu bihe bikomeye, ibintu ahuriyeho na Ndizeye Pascal, umushoramari mu ikoranabuhanga.

Abasesengura ibijyanye n'iterambere ry'ubukungu n'imibereho myiza basanga iyi mishinga n'indi irimo gucukura Gaz Methane, gukoresha Drones mu buvuzi n'indi, yose yaratanze umusanzu ukomeye mu kubaka u Rwanda rushya mu myaka 26.

Mu muhango wo kwibuka ku nshuro ya 20 jenoside yakorewe abatutsi, Perezida wa Repubulika Paul Kagame yashimangiye ko kureba kureba ari amwe mu mahitamo akomeye y'abanyarwanda.

U Rwanda rufite intego yo kugira ubukungu buciriritse mu 2035 kandi rukaba rwabaye igihugu gikize muri 2050, ibintu byagerwaho mu gihe ubukungu bwaba bwihuta ku 10% buri mwaka. Biramutse bigenze bityo, ni ukuvuga ko buri munyarwanda yazaba yinjiza asaga ibihumbi 12 ku mwaka, ni ukuvuga asaga miliyoni 10 Frw ku mwaka.


Divin UWAYO



Ba uwambere gutanga igitekerezo

Tanga igitekerezo:



RSS FEED

Perezida Kagame yagaragaje ko kubaza inshingano abayobozi atari ibintu bishya

Perezida Kagame yazamuye mu ntera abapolisi 2282 mu byiciro bitandukanye

Perezida Kagame yagaragaje ko guhabwa amafaranga kwa Afurika bitayigirira akamar

President Kagame calls for adequate fiscal space for Africa to stablise from COV

President Kagame condoles with Burundi over death of President Nkurunziza