Ubukerugendo bwifashe bute mu Karere ka Rubavu?

Nyuma yuko ubukerarugendo bw'imbere mu gihugu no ku banyamahanga bukomorewe, abasura ibyiza nyaburanga mu Karere ka Rubavu n'abatanga izo serivisi, barasabwa kurushaho kwitwararika, bakirinda kudohoka ku ngamba zo kwirinda COVID19 kuko bishobora gushyira ubuzima bw’ababagana mu kaga.

Bamwe mu banyamabanga bakorera mu Rwanda barishimira ko ubukerarugendo bwasubukuye,ariko hubahirizwa ingamba zo kwirinda icyorezo cya COVID19.

Nubwo amahoteli ari ku nkengero z'ikiyaga cya Kivu mu Karere ka Rubavu yongeye gufungura imiryango, hari aho ugera ugasanga nta mukiriya, mu gihe n'aho ubasanze baba babarika ku ntoki. Abatanga izi service bavuga ko imikorere iri kugenda iza buhoro buhoro.

Kuba akarere kazwiho kuba ari ahantu nyaburanga, abaturuka hirya no hino baza kuruhukira, bakuruwe by'umwihariko n'ubukerarugendo bwo mu mazi y'ikiyaga cya Kivu, ku nkengero z'ikiyaga cya Kivu, mu birwa, n'ibindi, hari ibisabwa abatanga izo serivsi bijyanye n'ubwirinzi bwa COVID19.

Urwego rw’Igihugu rw’Iterambere ruvuga ko mu byamuzanye rumaze iminsi muri aka karere mu igenzura rigamije kureba uko ingamba zubahirizwa, haba mu mahoteli, utubari n’ahandi.

 Nubwo ubukerarugendo bwongeye gusubukurwa, hari ibitarakomorewe mu Karere ka Rubavu birimo nk'amashyuza ari mu Murenge wa Nyamyumba n'urwogero rusange rw’ikiyaga cya Kivu, mu rwego rwo kwirinda ikwirakwira ry'icyorezo cya COVID 19.

RUTERANA Fredy