UR yatangije amasomo mashya y’ubumenyi bw’ikoranabuhanga mu bumenyi bw’isi

Muri Kaminuza y'u Rwanda hatangijwe amasomo mashya ajyanye n'ubumenyi bw'ikoranabuhanga mu bumenyi bw'isi, akaba yatangijwe mu rwego rwo kongerera ubushobozi abanyeshurii kugira ngo bashobore gutahura no gukumira ikibazo mbere y'uko giteza ingaruka abaturage.

Abahanga mu birebana n’ubumenyi bw’isi cyane cyane nko ku butaka, amazi, amashyamba n’ibindi baturutse mu muryango uhuje ibihugu bigera kuri 20 n'u Rwanda rurimo byo mu karere ka Afurika yo hagati niyo mu Majyepfo, nibo bagiranye amasezerano y'ubufatanye na Kaminuza y'u Rwanda y'imyaka 5 akubiyemo guha abo banyeshurii ubwo bumenyi.

Prof. Rwanyiziri Gaspard uyobora ikigo cy'ubushakashatsi ku ikoranabuhanga bushingiye ku bumenyi bw'isi kibarizwa muri Kaminuza y'u Rwanda, avuga ko ubusanzwe bakora ubushakashatsi bugaragaza ibibazo byavuka muri uru rwego rw'ubumenyi bw'isi, bakaburira abayobozi ku bibazo byahavuka n'uburyo byakwirindwa.

Mu buryo bwa hafi, abo banyeshuri bazunganirwa n'ikoranabuhanga ry'ibyogajuru rifite inovasiyo yihutisha iterambere.

Uyu muryango, RCMRD uhuje ibihugu 20 birimo n'u Rwanda, washyizeho amarushanwa y'abafite imishinga myiza iri muri uru rwego ku buryo izatsinda izahabwa ibihumbi 30 by'amadorali y'Amerika