Umuhanda Gatuna-Kigali wangiritse ku buryo imodoka nini zitawunyuramo

Ministeri y'ibikorwa remezo iratangaza ko kubera umuhanda Kigali-Gatuna wangijwe n'imvura kuva ku cyumweru, ubu ibinyabiziga bituruka muri Uganda cyangwa ibijyayo bigomba gukoresha umuhanda Kagitumba-Cyanika. 

Ibi ni mugihe uyu muhanda wa Gatuna Kigali ukomeje gufungwa mugihe ibikorwa byo kuwusana bikomeje. Umunyamabanga wa leta ushinzwe ubwikorezi Jean De Dieu Uwihanganye yemeza ko guhindura icyi cyerekezo byatewe niyangirika ry'uyu muhanda.

Kuri ubu ibikorwa byo kwimura abaturage baturiye uyu muhanda byo birakomeje.

Minisitiri w'ibikorwaremerezo Amb. Claver Gatete avuga ibi byose bikomeje gukorwa mu rwego rwo gushaka igisubizo cy'igihe kigufi mugihe iyi ministeri irimo gushakisha ibisubizo birambye kuri uyu muhanda.

Uyu muhanda ntukiri nyabagendwa ku modoka nini zikoreye imizigo ziva mu gihugu cya Uganda cyangwa zijyayo, ariko izo modoka zigakoresha inzira ya Kagitumba na Cyanika mu gihe uri gusanwa.