U Rwanda rwatangaje ko rwishimira ubufatanye bumaze imyaka 50 n’u Bushinwa

AGEZWEHO

  • Abasirikare 150 b’Abaholandi bari mu mahugurwa mu Rwanda – Soma inkuru...
  • Ahahoze inkambi y’impunzi ya Gihembe hatangiye gusubiranwa mu rwego rwo kuhabungabunga – Soma inkuru...

U Rwanda rwatangaje ko rwishimira ubufatanye bumaze imyaka 50 n’u Bushinwa

Yanditswe Nov, 08 2021 16:44 PM | 23,306 Views



Minisitiri w'Ububanyi n'Amahanga w'u Rwanda, Dr Vicent Biruta yatangaje ko Guverinoma y'u Rwanda yishimira ibikorwa n'imishinga itandukanye igihugu cy'u Bushinwa cyagizemo uruhare mu myaka 50 ishize, ibihugu byombi bifitanye umubano ushingiye ku bufatanye n’ubutwererane.

Byagarutsweho mu muhango wo kwizihiza isabukuru y'imyaka 50 igihugu cy'u Bushinwa kimaze gifitanye umubano mwiza n'u Rwanda.

Umubano w’u Rwanda n’u Bushinwa ugaragarira mu bikorwa by’ubuvuzi, uburezi, ubuhinzi, ikoranabuhanga, ibikorwaremezo bitandukanye birimo kwagura umuhanda Sonatube-Gahanga-Akagera ureshya n’ibirometero 13,8 uzatwara miliyari zikabakaba 65 z'amafaranga y'u Rwanda n’indi mihanda inyuranye.

Harimo kandi amavomo ya Nayikondo 200 hirya no hino mu gihugu yubakishijwe Miliyari zisaga 7. 

Abanyarwanda batandukanye batangaje ko bishimira ko byahinduye imibereho yabo, kuko hari ababibonyemo akazi ubwo byubakwaga.

Gahiganwa Jean Marie Vianney utuye mu Karere ka Kicukiro yagize ati  "Uyu muhanda ufitiye akamaro kanini abaturage kuko barawaguye, ubufatanye n'u Bushinwa n'u Rwanda bwagize umumaro harimo ibikorwa by'iterambere."

Minisitiri w'Ububanyi n'Amahanga, Dr Biruta yashimiye ibikorwa n'imishinga itandukanye byagezweho, kubera uburyo byahinduye imibereho y'abaturage.

"Ikoranabuhanga, ubucukuzi bw'amabuye y'agaciro, ingendo zo mu kirere, uburezi, kubaka ubushobozi, ubuzima, ubucuruzi, ubukerarugendo, ubuhinzi ndetse n'umutekano uhamye, umubano wacu ni ukuva mu 1971 by'umwihariko kuri twe nyuma ya Jenoside yakorewe Abatutsi twakoranye cyane mu kuzamura imibereho n'iterambere ry'abaturage ndetse no guteza imbere ibya politiki. Ubushinwa buza mu myanya y'imbere mu gushora imari mu Rwanda rikaba ryahanze imirimo ibihumbi mu byiciro bitandukanye."

Ambasaderi w'u Bushinwa mu Rwanda, Rao  Hongwei yagaragaje ko kuva mu 1971 umubano w'ibihugu byombi uhagaze neza mu ngeri zitandukanye.

Ati "Ubufatanye mu iterambere n'ubucuruzi tubihuriyeho. Ubushinwa bunejejwe n'uko u Rwanda ari umufatanyabikorwa ukomeye mu bucuruzi ndetse no mu mishinga minini. Ubufatanye mu bucuruzi hagati y'ibihugu byombi mu mwaka wa 2020 bwageze ku madolari y'Abanyamerika miliyoni 321 n'ubwo habayeho icyorezo cya covid19. Hari imishinga minini y'ibikorwaremezo Ubushinwa bwagizemo uruhare mu ku byubaka bituma u Rwanda rurushaho kuzamuka mu iterambere ndetse n'imibereho y'abaturage."

Mu mpera za 2020 Ishoramari ry'u Bushinwa ryari  amadolari y'amerika miliyoni 191, ni ukuvuga asaga miliyari 190 z'amafaranga y'u Rwanda mu byiciro bitandukanye birimo ibikorwaremezo, ubuzima, kungurana ubumenyi mu by'uburezi, ikoranabuhanga n'ubugeni.


Jean Paul Turatsinze




Ba uwambere gutanga igitekerezo

Tanga igitekerezo:



RSS FEED

Urubyiruko ruri muri FPR Inkotanyi rwasabwe kwiga umuco nyarwanda no kurangwa n&

Itsinda ry'Abayobozi bakuru 25 ryaturutse muri Sudani y'Epfo ryasuye i

Ahahoze inkambi y’impunzi ya Gihembe hatangiye gusubiranwa mu rwego rwo ku

Abagenerwabikorwa ba Imbuto Foundation barashimira ibyo umaze kubagezaho mu myak

Humviswe Abofisiye bakuru ba Gendarmerie bakoze amaperereza kuri Muhayimana

Uganda yirukanye Abanyarwanda 30