U Rwanda rwasinye amasezerano hagati y'Ubushinwa hamwe n'ubuhorandi

Amasezerano guverinoma y'u Rwanda yasinyanye n'ubushinwa angana na miliyoni 300 ya yuan angana na miliyoni 42 z'amadorari y'Amerika. Igice kimwe muri aya kizakoreshwa mu kwagura umuhanda uva ahitwa Prince house kugera i Masaka. Ni umuhanda w'ibirometero 10,3. 

Amaze gusinya aya masezerano, Ambasaderi Rao Hongwei yavuze ko ibi bishimangira umubano mwiza ukomeje w'ibihugu byombi. 

Umunyamabanga wa leta muri Ministeri y'imari n'igenamigambi ushinzwe igenamigambi, Dr Uwera Claudine, washyize umukono kuri aya masezerano, avuga ko iyi nkunga mu gukora umuhanda cyo kimwe n'indi mihanda yakozwe n'abashinwa usibye guha akazi Abanyarwanda inabasigira ubumenyi bakoresha mu kubaka igihugu. 

naho Avuga ku nkunga yatanzwe n'ubwami bw'ubuholande, Dr Claudine, asanga iyi nkunga mu bice binyuranye by'ubutabera izafasha ndetse igatuma abagororwa bahugurwa bakajya basohoka bafite ubumenyi bwunganira ukugororoka akemeza ko ari ibintu bizabafasha kwiteza imbere bageze mu miryango.

Ambasaderi w'Ubuholande mu Rwanda Frédérique de Man, avuga ko igihugu cye gishyigikiye cyane kandi kizakomeza gushyigikira iterambere ry'urwego rw'ubutabera burambye mu Rwanda.