U Rwanda ruri ku mwanya wa 2 mu korohereza abashoramari muri Afurika

Mu makuru arebana n'ubukungu, u Rwanda rwashyizwe ku mwanya wa kabiri muri Afrika muri raporo nshya Banki y’isi igaragaza uburyo ibihugu byorohereza abantu gukoreramo ishoramari (World Bank Doing Business Report 2017).

U Rwanda rwazamutseho imyanya itandatu yose ruva ku mwanya wa 62 rugera kuri 56 mu bihugu 190 byo mu isi, rwagumye ku mwanya wa kabiri muri Africa.

Muri Afrika, ibirwa bya Maurice, n'ubwo byasubiye inyuma ho imyanya 17 ku rutonde rw’isi, muri Afrika biracyaza ku mwanya wa mbere y’u Rwanda.

Urutonde rukorwa hagendewe ku gutera imbere n’ibyorohereza abashoramari, gukorera mu mucyo, gukurikiza amategeko, gufasha abashoramari kubona ibikorwa remezo n’ibindi.