U Rwanda ruravuga ko rutazatezuka ku mutima wo kwakira no gucumbikira impunzi n’abimukira

Guverinoma y’u Rwanda yatangaje ko itazatezuka ku mutima wo kwakira no gucumbikira impunzi n’abimukira, ni nyuma y’uko Urukiko rw’Ikirenga mu Bwongereza rwanzuye ko kohereza abimukira mu Rwanda binyuranyije n’amategeko.

Mu kiganiro yagiranye na mugenzi wacu Jean Pierre Kagabo, umuvugizi wungirije wa Guverinoma, Alain Mukuralinda yavuze ko kuba leta y’u Rwanda igendera ku mategeko bitayibuza kugira icyo ivuga kuri bimwe mu byemezo by’abacamanza.

Hagati aho Minisitiri w’Intebe w’u Bwongereza, Rishi Sunak yatangaje ko nyuma y’icyemezo cy’Urukiko rw’Ikirenga yavuganye na Perezida Kagame bagashimangira ko bakomeye ku cyemezo cyo guharanira ko amasezerano y’ibihugu byo mbi ku kibazo cy’abimukira agerwaho.

Yavuze guverinoma ye irimo gukorana n’u Rwanda ku masezerano mashya kandi ngo isomwa ry’urubanza rw’uyu munsi ni ingingo izashingirwaho mu kunoza ayo masezerano.