Yanditswe Apr, 06 2019 10:17 AM | 8,762 Views
Abantu ihihumbi bitatu (3,000) bakora mu nzego z'ubuzima ku
ikubitiro bazakingirwa icyorezo cya Ebola.
Aba barimo abaganga n'abakora mu nzego z'ubuzima kuko baba bafite ibyago byinshi byo kwandura icyo cyorezo mu bikorwa by'ubutabazi.
Gahunda zo gukingira aba bakozi zizatangira tariki 15 z'ukwezi kwa 4 abazakingirwa bakaba ari abari mu turere duhana imbibi n'igihugu cya Repubulika Iharanira Demokarasi ya Congo n'igihugu cya UGANDA.
Minisitiri w'Ubuzima Dr. Diane Gashumba avuga ko gutanga urukingo rwa Ebola biri mu ngamba Minisiteri y'Ubuzima yafashe zigamije gukumira Ebola mu Rwanda byiyongera kuzindi ngamba z'ubukanguramba mu baturage zo gutanga amakuru ku bimenyetso bashobora kubona bya Ebola ndetse no gukora isuku.
Minisiteri Dr. Diane Gashumba avuga ko kwirinda indwara ya Ebola bishoboka ibi akabihera kukuba abantu 1087 banduye Ebola muri Repubulika Iharanira Demokarasi ya Congo muri 60% bapfuye naho 370 bagakira, ibi bikaba bivuze ko gukumira iyi ndwara bishoboka mu gihe abaturage batanze amakuru ku gihe.
Minisiteri y'Ubuzima inashima uburyo abaturage batanga amakuru kuko hamaze gukorwa ibizamini byo gusuzuma niba Ebola yageze mu Rwanda inshuro 230 biturutse ku makuru atangwa n'abaturage.
Minisiteri y'Ubuzima ivuga kandi ko urukingo rwa Ebola ruzatangwa ku bufatanye n'umuryango w'abibumbye ishami rishinzwe ubuzima rukaba rwizewe nkuko Minisitiri w'ubuzima Dr. Diane Gashumba abisobanura.
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru