U Rwanda na RDC bashyizeho komite yo gukurikirana ibibazo biri mu bucuruzi

AGEZWEHO

  • Kuri uyu wa mbere hategerejwe isomwa ry’umwanzuro ubushinjacyaha buregamo Rusesabagina – Soma inkuru...
  • RAB yatangaje ko indwara ya muryamo yagaragaye mu ngurube zo mu Rwanda – Soma inkuru...

U Rwanda na RDC bashyizeho komite yo gukurikirana ibibazo biri mu bucuruzi

Yanditswe Jul, 19 2021 19:17 PM | 37,167 Views



Minisiteri y’Ubucuruzi n’Inganda irizeza abakora ubucuruzi bwambukiranya imipaka hagati y’u Rwanda na Repubulika Iharanira Demokarasi ya Kongo, ko ibibazo bamaze igihe bagaragaza biburimo bigiye gukemuka ndetse n’ibizajya bivuka bikazajya bihita bibonerwa ibisubizo binyuze muri komite ihuriweho n’ibihugu byombi yashyizweho kuri uyu wa mbere ikazaba ishinzwe kubikumira no gukemura ibyagaragaye.

Impaka ku bibazo by’ingutu bibangamiye ubucuruzi bwambukiranya imipaka hagati y’u Rwanda na RDC, ziri mu byatinzweho mu nama yahuje intumwa z’ibihugu byombi.

Ni ibibazo abari muri iyo nama bahurizaho ko bimaze igihe kandi ngo byangiza cyane ubucuruzi kuri buri ruhande.

Josephine Mugoto umwe mu bakuriye abakora ubucuruzi bwambukiranya imipaka bo muri Kamanyola, avuga ko ibi bibazo birimo iby’imisoro myinshi kandi idasobanutse abacuruzi bo mu Rwanda bavuga ko bakwa muri RDC, bimwe mu bicuruzwa nk’umuceri, ifu y’amoko atandukanye, ibinyobwa byo mu nganda zo muri RDC n’ibindi ngo bigera ku mupaka ku ruhande rw’u Rwanda ntibyemererwe kwambuka ngo bize gucururizwa mu Rwanda n’ibindi.

Imwe mu nzira zo kubonera ibisubizo ibyo bibazo, ni komite ihuriweho n’impande zombi yashyizweho ngo ijye ibikurikirana kandi ibikumire ku ruhande rw’abakora ubucuruzi bwambukiranya imipaka banyuze ku mupaka wa Bugarama-Kamanyola.

Ni komite abayigize ari bo bazagena uburyo bwo gukemura ibibazo byagaragaye no kubikumira.

Niyonshuti Richard uyobora ishami rishinzwe imishinga muri Minisiteri y’ubucuruzi n’inganda, atangaza ko “Ibi bibazo byose bigiye kujya bibonerwa ibisubizo ku gihe, n’ibivutse bihite bihabwa umurongo bitaragera kure.”

Ubucuruzi bwambukiranya imipaka hagati y’Akarere ka Rusizi ku ruhande rw’u Rwanda na Kamanyola na Bukavu ku ruhande rwa RDC, bukorwa n’abatari bake aho mbere y’umwaduko w’icyorezo cya Covid 19, umupaka wa Bugarama-Kamanyola wanyurwagaho n’abaturage bari hagati y’ibihumbi 3 na bine, naho uwa Rusizi ya mbere wanyurwagaho n’abarenga ibihumbi 20 ku munsi bo ku mpande zombi.

Biganjemo abagore bakora ubucuruzi buciriritse bwiganjemo ibiribwa nk’imboga, imbuto, isambaza, ifu n’ibindi.

Aba bakunze gutaka ibibazo byinshi bahura na byo mu mayira yo muri RDC, naho abo muri RDC bagashinja u Rwanda kubuza ubucuruzi bwa bimwe mu bikorerwa yo aho ngo bifatwa nka forode cyangwa ibitujuje ubuziranenge.

Aphrodis Muhire




Ba uwambere gutanga igitekerezo

Tanga igitekerezo:



RSS FEED

Abatuye Intara y’Amajyepfo barishimira iterambere ry’inganda zimaze

COVID19: Abacuruzi b’imyaka bavuze ko babangamiwe no kugera aho iri mu gih

Minicom yemeje ko ubucuruzi bw’u Rwanda na EAC bwagabanutseho 8% kubera Co

MINICOM yavuze ko ibura ry’ibicuruza bimwe birimo guterwa n’ingaruka

Inteko yatumije Minisitiri wa MINICOM ngo asobanure ibibazo biri muri CPC

Abanyenganda basanga ibibazo by’ingutu bafite bishobora gutuma ibyo bakora