Suede yahaye u Rwanda inkunga ya Miliyari 8 Frw

AGEZWEHO

  • Akarere ka Gisagara kagiye guha amabati asaga 200 abatuye bahuye n’ibiza – Soma inkuru...
  • Ibigo 3 by’ubwishingizi mu buvuzi ntibivuga rumwe n’ihuriro ry’amavuriro yigenga – Soma inkuru...

Suede yahaye u Rwanda inkunga ya Miliyari 8 Frw

Yanditswe Dec, 08 2021 18:40 PM | 64,065 Views



Igihugu cya Suede cyahaye u Rwanda inkunga ya Miliyari 8 na miliyoni 900 z'amafaranga y'u Rwanda, azifashishwa mu bikorwa byo guhangana n'ikibazo cy'ihindagurika y'ibihe mu Ntara y'i Burasirazuba.

Aya masezerano y'inkunga yasinywe hagati y'igihugu cya Suede cyari gihagarariwe na ambasaderi w'icyo gihugu mu Rwanda, Johanna Teague na Minisitiri w'Imari n'igenamigambi, Dr. Uzziel Ndagijimana ku ruhande rw'u Rwanda.

Ibi bikorwa birimo ibyanya 35 bibungabunzwe, gutera ibiti ku bilometero 400 by'inkengero z'imihanda, ibilometero 400 ku butaka no ku nkengero z'inzuzi n'ibiyaga, na hegitari ibihumbi 8 by'imirima y'abaturage hazaterwamo ibiti bivangwa n'imyaka.

Ikigamijwe ni ugushaka igisubizo kirambye cyo kurengera urusobe rw'ibinyabuzima no guteza imbere imikorere ishingiye ku kurengera ibidukikije. 

Ni imikorere igamije gushyira hamwe nk'inzego zinyuranye zirimo iz'ibanze, leta, Kaminuza, abikorera n'abandi

Dr. Uzziel Ndagijimana asanga ibi bikorwa bizagira uruhare rufatika mu gutuma u Rwanda rugera ku ntego rwihaye, yo kuba igihugu cyahanganye n'imindagurikire y'ibihe bitarenze 2050.

Yagize ati "Uyu mushinga uje kudushyigikira muri gahnunda zacu zo kurengera ibidukikije no guhangana n'ihindagurika ry'ikirere, akaba ari gahunda y'ingenzi ikubiye muri gahunda y'igihugu y'imyaka 7 aho dushyira imbere urusobe rw'ibinyabuzima, kwita ku byanya muri rusange. Ni muri gahunda y'icyerekezo cya 2050 yo kuba igihugu cyagabanyije ubumara cy'umwuka wa Carbon kandi cyihanganira ihindagurika ry'ikirere."

U Rwanda rukeneye Miliyari 11 z'amadorali kugira ngo rugabanye ihumana ry'ikirere ku kigero cya 38% bitarenze 2030.


Bosco Kwizera



Ba uwambere gutanga igitekerezo

Tanga igitekerezo:



RSS FEED

Akarere ka Gisagara kagiye guha amabati asaga 200 abatuye bahuye n’ibiza

Ibigo 3 by’ubwishingizi mu buvuzi ntibivuga rumwe n’ihuriro ry&rsquo

Imvura yateje ibiza muri Rubavu yishe umuturage isenya n’inzu

Umuvugizi wungirije wa Guverinoma y’u Rwanda yavuze ku ruzinduko rwa Gen K

Akarere ka Nyagatare kahagurukiye ababyeyi bashyira abana mu mirimo ibatesha ish

Perezida Nyusi yasuye inzego z'umutekano z'u Rwanda na Mozambique